ចៅសង្កាត់ចាក់អង្រែលើ ចុះសាកសួរសុខទុក្ខប្រជាការពារសង្កាត់ ជួបគ្រោះថ្នាក់ចរាចរណ៍ បាក់ជើង ដល់មន្ទីរពេទ្យ
ភ្នំពេញ៖កាលពីព្រឹកថ្ងៃទី១៦ ខែមករា ឆ្នាំ២០២១នេះលោក កែវ សាវឿន ចៅសង្កាត់ចាក់អង្រែលើ ខណ្ឌមានជ័យរាជធានីភ្នំពេញដែលអមដំណើរដោយមន្ត្រីសង្កាត់និងប្រជាការពារសង្កាត់ដោយបានចុះសាកសួរសុខទុក្ខនិងយកអំណោយជាថវិកាទៅផ្ដល់ជូនដល់ដៃលោកស៉ីម ង៉ែតប្រជាការពារសង្កាត់បានគ្រោះថ្នាក់ចរាចរណ៍បាក់ជើងម្ខាងដល់មន្ទីរពេទ្យលោកសង្ឃ។ប្រជាការពារសង្កាត់ខាងលើគឺគាត់បានជួបគ្រោះថ្នាក់ចរាចរណ៍កាលពី យប់ថ្ងៃទី១៥ ខែមករា ឆ្នាំ២០២១ វេលាម៉ោង០៩:៣០នាទីយប់ ក្រោយពេលចុះពិនិត្យរដ្ធបាលរួចបានត្រឡប់ទៅផ្ទះវិញចំនុចភូមិព្រែកតាគង់2ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។បច្ចុប្បន្នបានសំរាកព្យាលបាលនៅពេទ្យលោកសង្ឃ។
ជាមួយគ្នានេះដែរប្រជាការពារខាងលើដែលបានជួបគ្រោះថ្នាក់ចរាចរណ៍ដោយបាក់ជើងម្ខាងនិងក្រុមគ្រួសារគាត់ដោយបានបង្ហាញពីអារម្មណ៍ពិតៗរបស់ពួកគាត់ដោយក្ដីរំភើបជាខ្លាំងខណៈពេលឃើញវត្តមានលោកកែវ សាវឿន ចៅសង្កាត់ចាក់អង្រែលើនិងក្រុមការងារដោយបានអញ្ជើញចុះមកសាកសួរសុខទុក្ខគាត់ដោយផ្ទាល់ដល់មន្ទីរពេទ្យហើយសកម្មភាពនេះគឺជាការលើកទឹកចិត្តដ៏ធំធេងណាស់ដល់រូបគាត់ដែលជាកូនចៅនិងក្រុមគ្រួសារដោយមិនទុកអោយរូបគាត់និងក្រុមគ្រួសារស្ថិតនៅក្នុងភាពឯកោឡើយ។ហើយនេះមិនមែនជាលើកទី១ទេដោយជានិច្ចកាលរាល់សកម្មភាពលោកចៅសង្កាត់ចាក់អង្រែលើនៃការចុះមកសាកសួរសុខទុក្ខពេលកូនចៅពេលមានជម្ងឺដង្កាត់ផ្សេងៗឬមានធុរៈនិងប្រជាជនក្នុងមូលដ្ឋានផងដែរតួរយ៉ាងដូចនៅថ្ងៃនេះជាដើម៕
