រថយន្ត CAMRY HYBRID យកមកចតទុកចោល ក្នុងវត្តសន្សំកុសល ៥ថ្ងៃមកហេីយ ពុំឃើញម្ចាស់មកយក សង្ស័យត្រូវគេយកមកផ្លុងចោល
ភ្នំពេញ៖យោងតាមសេចក្ដីរាយការណ៍ពីប្រជាការពារខណ្ឌមានជ័យ បានប្រាប់អោយដឹងថា មានករណីប្រទះឃើញ រថយន្តមួយគ្រឿង ម៉ាកកាមរីហាយប្រីត CAMRY HYBRID ពណ៌ស ពាក់ស្លាកលេខ 2AG-1986 ដោយឃេីញចតទុកចោល នៅក្នុងបរិវេណវត្តសន្សំកុសល សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ អស់ជាច្រើនថ្ងៃមកហេីយ តែពុំឃើញម្ចាស់មកយកវិញសោះ។
សូមបញ្ជាក់៖ រហូតមកទល់ព្រឹកថ្ងៃទី២១ ខែសីហា ឆ្នាំ២០១៩នេះ រថយន្តខាងលើ នៅតែបន្តចតទុកចោលនៅ ត្រង់ចំណុចប្រទះឃេីញខាងលេី នេះរហូតធូរខ្យល់អស់រលីងពីកង់ទៅហេីយ ដោយពុំទាន់ឃើញមានម្ចាស់រថយន្តត្រឡប់មកយកវិញ ។ទេីបនាំគ្នាសង្ស័យថា រថយន្តនេះត្រូវគេយកមកផ្លុងចោលឬ???
ខណៈពេលនេះកម្លាំងសមត្ថកិច្ចនគរបាលខណ្ឌមានជ័យ កំពុងចុះត្រួតពិនិត្យ ដោយមិនថាជាករណីអ្វីនៅឡេីយទេ ឬក៏ជារថយន្តប្រជាពលរដ្ឋយកមក ចតទុកចោលធម្មតាឬយ៉ាងណានោះទេ៕