អង់គ្លេសបញ្ជូននាវាចម្បាំង ឲ្យទៅល្បាតច្រកសមុទ្រ Hormuz

ឡុងដ៍៖ កងទ័ពជើងទឹករបស់អង់គ្លេស បានឲ្យដឹងថា នាវាចម្បាំងមួយគ្រឿងទៀតគឺ HMS Defender នឹងត្រូវធ្វើប្រតិបត្តិការនៅ ច្រកសមុទ្រ Hormuz ក្រោមក្របខ័ណ្ឌនៃបេសកកម្មល្បាតតំបន់នោះ ដែលផ្តួចផ្តើមឡើងដោយសហរដ្ឋអាមេរិក។ នេះបើតាមការ ចេញផ្សាយដោយសារព័ត៌មានរុស្ស៊ី Sputnik នៅព្រឹកថ្ងៃអាទិត្យ ទី២៥ ខែសីហា ឆ្នាំ២០១៩។

រដ្ឋមន្រ្តីការពារជាតិអង់គ្លេស លោក Ben Wallance បានបញ្ជាក់ថា នាវាចម្បាំង HMS Defender នឹងចូលរួមចំណែករក្សាការពារ​ សេរីភាពនៃការធ្វើនាវាចរណ៍នៅច្រកសមុទ្រ Hormuz ជាមួយដៃគូអន្តរជាតិដទៃទៀត បន្ថែមពីលើនាវាចម្បាំង០២គ្រឿងរបស់ខ្លួន ដែលនៅតំបន់នោះស្រាប់ គឺ HMS Kent និង HMS Montrose។