លោកគួច ចំរើនមិនដែលភ្លេចមន្ត្រីចាស់ៗ ណាម្នាក់ដែលធ្លាប់បំពេញការងារជាមួយលោកឡើយ

ភ្នំពេញ៖អភិបាលខេត្តព្រះសីហនុ​ លោកគួចចំរើនបានចុះមកសួរសុខទុក្ខលោកសាយចន្ថាចៅសង្កាត់ចតុមុខខណ្ឌដូនពេញរាជធានីភ្នំពេញខណៈដែលកំពុងមានជំងឺទឹកនោមផ្អែម​ រហូតកាត់ដំបៅប្រអប់ជើងដែលកំពុងសម្រាកព្យាបាលនៅផ្ទះ។

  មន្ត្រីបំរើការងារនៅក្នុងជួរសាលាខេត្តព្រះសីហនុបានអោយដឹងថាលោកគួចចំរើនមិនដែលភ្លេចមន្ត្រីចាស់ៗណាម្នាក់ដែលធ្លាប់បំពេញការងារជាមួយលោកឡើយទោះស្ថិតក្នុងស្ថានភាពបែបណាក៏ដោយ​។ជាក់ស្តែងនៅព្រឹកថ្ងៃទី២១ខែតុលាឆ្នាំ២០១៩​នេះលោក​ គួច​ ចំរើន​ បានឆ្លៀតពេលដ៏មមាញឹក​ មកសួរសុខទុក្ខលោកសាយចន្ថាចៅសង្កាត់ចតុមុខខណ្ឌដូនពេញរាជធានីភ្នំពេញដែលមានជំងឺទឹកនោមផ្អែម​ កាត់ដំបៅប្រអប់ជើងដែលកំពុងសម្រាកព្យាបាលនៅផ្ទះ។

  ក្នុងឱកាសនោះលោកគួចចំរើនបានសំដែងក្តីអាណិតអាសូរនិងចូលរួមថវិកាមួយចំនួន​ ដើម្បីសម្រាលដល់ការលំបាកនិងដោះស្រាយជីវភាពប្រចាំថ្ងៃរបស់លោកសាយចន្ថា៕