សម្តេចពិជ័យសេនា ប្រាប់ប្រជាពលរដ្ឋ កុំមានការព្រួយបារម្ភ ចំពោះការចល័តកងកម្លាំង គ្រប់ប្រភេទ គឺធ្វើឡើងក្នុងគោលដៅបង្កើនការថែរក្សាសន្តិសុខ
ភ្នំពេញ៖ ក្រោយចប់ពិធីទទួលដំណើរនិវត្តន៍របស់កងទ័ពមួកខៀវកម្ពុជា ពីអាហ្វ្រិកកណ្តាល នៃកងកម្លាំងវិស្វកម្មលេខ ៥៩៤ រួចមក នៅថ្ងៃទី៤វិច្ឆិកានេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួង ការពារជាតិ បានផ្តល់បទ សម្ភាសន៍ខ្លីមួយដោយបានបញ្ជាក់ថា ការហ្វឹកហ្វឺន និងការចល័តកងកម្លាំង គ្រប់ប្រភេទនានា គឺធ្វើឡើងក្នុងគោលដៅបង្កើនការថែរក្សាសន្តិសុខ សណ្តាប់ធ្នាប់ សាធារណៈ និងសុវត្ថិភាពតែ ប៉ុណ្ណោះសូមប្រជាពលរដ្ឋ កុំមានការព្រួយបារម្ភ។ នេះបើតាមការផ្សាយរបស់នាយកដ្ឋានព័ត៌មាន អគ្គនាយកដ្ឋានយោធសេវា។
សម្ដេចពិជ័យសេនា ទៀ បាញ់ បានបន្ថែមថាចំពោះការប្រ កាសរបស់ សម រង្ស៊ី ដោយមានទាំងផែនការបង្កអសន្តិសុខក្នុងប្រទេស ដោយការធ្វើចលនាកៀរគរពលករនៅថៃឱ្យចូលកម្ពុជាមកគាំទ្រចលនា របស់ខ្លួនធ្វើរដ្ឋប្រហារផ្តួលរំលំរាជរដ្ឋា ភិបាលស្របច្បាប់នោះ កងទ័ពកម្ពុជាក៏បានត្រៀមរួចរាល់ចាត់វិធានការតាមផ្លូវច្បាប់ ទៅលើសកម្មភាពដែលមានគោលដៅ បំផ្លាញសុខសន្តិភាពនេះ។
គួរបញ្ជាក់ថា កាលពីថ្ងៃទី១ ខែវិច្ឆិកា ឆ្នាំ២០១៩ កងកម្លាំង ៣ ប្រភេទនៅខេត្តជាប់ព្រំដែនថៃ បានធ្វើលំហាត់ហ្វឹកហ្វឺរួមគ្នាដោយ មាន ការចល័តកងកម្លាំង ថែមទៀតផង។ លំហាត់ហ្វឹកហ្វឺននោះត្រូវបានអាជ្ញាធរ ប្រកាសថា ធ្វើដើម្បីបង្កើនការថែ រក្សាសន្តិសុខ សណ្តាប់ធ្នាប់ សាធារណៈ និងសុវត្ថិភាព ស្របពេលដែល លោក សម រង្ស៊ី បានបង្ហាញផែនការបង្កអសន្តិសុខ ក្នុងប្រទេស ដោយការធ្វើចលនាកៀរគរ ពលករនៅថៃ ចូលកម្ពុជា មកគាំទ្រចលនារបស់ខ្លួន ធ្វើរដ្ឋប្រហារផ្តួលរំលំរាជរដ្ឋាភិបាលស្របច្បាប់៕