ប្រទេសរុស្ស៊ី ត្រៀមខ្លួនជាស្រេច ដើម្បីជួយដល់កិច្ចពិភាក្សា Kurds-Damascus ស្តីពី SDF ចូលរួមជាមួយកងទ័ពរដ្ឋាភិបាល
នៅចុងខែតុលា កងកម្លាំងប្រជាធិបតេយ្យស៊ីរី ដឹកនាំដោយជនជាតិឃឺដ (SDF) បានប្រកាសពីការដកកងទ័ពទាំងស្រុង ចេញពីព្រំដែនស៊ីរី – ទួរគី។
អនុរដ្ឋមន្រ្តីក្រសួងការបរទេសរុស្ស៊ីលោក Sergei Vershinin បាននិយាយនៅថ្ងៃអង្គារនេះថា ប្រទេសរុស្ស៊ីបានត្រៀមខ្លួនជាស្រេច ក្នុងការជួយក្នុងកិច្ចចរចា រវាងក្រុងដាម៉ាស និងឃឺដ ស្តីពី SDF ចូលរួមជាមួយកងទ័ពរដ្ឋាភិបាលស៊ីរី។
នៅចុងខែតុលា SDF បានប្រកាសពីការដកកងទ័ពទាំងស្រុង ចេញពីតំបន់ព្រំដែន រវាងស៊ីរីនិងតួកគី។ SDF បានសង្កត់ធ្ងន់ថា ឆ្មាំព្រំដែនរដ្ឋាភិបាលស៊ីរី នឹងត្រូវដាក់ពង្រាយ នៅព្រំដែនស៊ីរី – ទួរគី៕