ប្រភពព័ត៌មានទាន់ហេតុការណ៍ក្រុងភ្នំពេញ

យ៉ាងហោ​ចណា​ស់ មានមនុស្ស ១៥ នាក់ ត្រូវបានសម្លាប់ នៅក្នុង​ការ​វាយ​ប្រហារ ដោយក្រុ​មឧ​ទ្ទាម នៅភាគខា​ង​ត្បូងប្រ​ទេសថៃ

10

ក្រុមបះបោរបំបែកខ្លួននៅខេត្តយ៉ាឡា ភាគខាងត្បូង នៃប្រទេសថៃ បានប្រើគ្រឿងផ្ទុះនិងខ្ចាត់ខ្ចាយ លើដងផ្លូវ ក្នុងតំបន់ ដើម្បីពន្យារពេលអ្នកតាមចាប់ខ្លួន នៅយប់ថ្ងៃអង្គារ បន្ទាប់ពីមានសេចក្តីរាយការណ៍ថា បានសម្លាប់មនុស្សយ៉ាងតិច ១៥ នាក់និងបួននាក់រងរបួស ក្នុងការបាញ់ប្រហារមួយ នៅឯប៉ុស្តិ៍ត្រួតពិនិត្យសន្តិសុខ។

អ្នកនាំពាក្យសន្តិសុខ​ក្នុងតំបន់ លោកវរសេនីយ៍ឯក Pramote Prom-in បាននិយាយថា “នេះទំនងជាការងាររបស់ក្រុមបះបោរ នេះគឺជាការវាយប្រហារ ដ៏ធំបំផុតមួយ នៅក្នុងពេលថ្មីៗនេះ” ។
យោងតាមរបាយការណ៍ ប្រព័ន្ធផ្សព្វផ្សាយ មិនទាន់​មានកា​រអះអាង ទទួលខុសត្រូវណាមួយ ចំពោះការវាយប្រហារនេះ នៅឡើយទេ។

ក្រុមបំបែកខ្លួនមូស្លីមម៉ាឡេ ត្រូវបានគេដឹងថា បានវាយប្រហារបុគ្គលិកសន្តិសុខ និងព្រះសង្ឃនៅខេត្តថៃភាគខាងត្បូង ដែលពួកគេមើលឃើញថា ជាទឹកដីកាន់កាប់ដោយរដ្ឋ ដែលមានព្រះពុទ្ធសាសនាភាគច្រើន។

ឬសគល់នៃជម្លោះក្នុងតំបន់ មានតាំងពីដើមសតវត្សរ៍ទី ២០ នៅពេលដែលទឹកដីស៊ុលតង់តានីត បានក្លាយជាផ្នែកមួយ នៃភាគច្រើនជាសៀមព្រះពុទ្ធសាសនា (អតីតឈ្មោះថៃ) និងត្រូវបានបំបែកទៅជាខេត្តចំនួន ៣ គឺខេត្តណារ៉ានធីវ៉ាតផាតានី និងយ៉ាឡា។

ចាប់តាំងពីពេលនោះ មកចលនាមូស្លីម នៅក្នុងតំបន់ទាំងនេះ បានអំពាវនាវម្តងហើយម្តងទៀត សម្រាប់ស្វ័យភាព ទូលំទូលាយ និងជំរុញឱ្យមានឯករាជ្យភាព៕

អត្ថបទដែលជាប់ទាក់ទង