បោសសំអាតរណ្តៅគ្រាប់លាក់ទុកក្នុងសម័យសង្គ្រាមហេីយក្លាយជាសំណល់ជាតិផ្ទុះពីសង្គ្រាម
បាត់ដំបង៖លោកហេងរតនាអគ្គនាយកស៊ីម៉ាក់នៅថ្ងៃទី១២ខែវិច្ឆិកានេះបានសរសេរលើហ្វេសប៊ុកថានៅទិសស្រុកសំឡូតខេត្តបាត់ដំបង និងនៅខេត្តប៉ៃលិន កំលាំងនគរបាលជាតិនិងអង្គភាពសុីម៉ាក់ បានបោសសំអាតរណ្តៅគ្រាប់លាក់ទុកក្នុងសម័យសង្គ្រាមហេីយក្លាយជាសំណល់ជាតិផ្ទុះពីសង្គ្រាម។ប្រទះឃេីញនៅថ្ងៃទី០៨ ខែវិចិ្ឆកា តែមួយថ្ងៃមុនថ្ងៃព្រឹតិ្តការណ៍០៩ វិច្ឆិកា។ ក្នុងសង្គ្រាមអ្នកប្រយុទ្ធបានប្រេីប្រាស់យុទ្ធសាស្ត្រយុទ្ធវិធីចល័តគ្រាប់និងកាំភ្លេីងតាមបែបទ័ពព្រៃ ទ័ពឈ្លប ដេីម្បីងាយស្រួលប្រយុទ្ធបាញ់សម្លាប់គ្នា។
លោកបានថ្លែងថាមេដឹកនាំឧទ្ទាមសម័យថ្មី ដែលមិនធ្លាប់រស់នៅឆ្លងកាត់ក្នុងសង្គ្រាមនៅកម្ពុជា អាចខ្វះអារម្មណ៍និងមិនយល់ដឹងពីភាពឈឺចាប់ដោយសារសង្គ្រាមពីជំរៅបេះដូងរបស់ខ្លួននោះទេ។ហេតុនេះហេីយគេមកអំពាវនាវឱយប្រជាជននិងកងទ័ពបែរចុងកាណុងបាញ់លេីមេដឹកនាំប្រទេស និងបង្កេីតចលនាហឹង្សាជាថ្មី ក្រោមផែនការដេីម្បីផ្តួលរំលំនិងប្តូររបប។ ប្រជាជនកម្ពុជាមិនទាន់ជាសះស្បេីយរបួសស្នាមពីភាពឈឺចាប់នៃសង្គ្រាមផង មកចង់ញុះញុង និងជំរុញបង្កចលនាហឹង្សាជាថ្មី។ជាសំណាងប្រទេសនិងប្រជាជនកម្ពុជាខ្ពស់ណាស់ក្រោយការដឹកនាំរបស់សម្តេចតេជោសែនបានទប់ស្កាត់និងធ្វេីឱយបរាជ័យទាំងស្រុង ចំពោះសកម្មភាពរដ្ឋប្រហារវាយរំលំរាជរដ្ឋាភិបាលនិងប្តូររបបរាជានិយមថ្ងៃ០៩ វិចិ្ឆកា ឆ្នាំ២០១៩នោះ៕
