បង្ខាំងមនុស្ស៤នាក់ជំរិត ហើយចាប់ជនល្មើសជនជាតិចិន២នាក់នៅក្រុងព្រះសីហនុ
ខេត្តព្រះសីហនុ៖ វេលាម៉ោង៨ព្រឹកថ្ងៃទី១៣ខែវិច្ឆិកាឆ្នាំ២០១៩លោកឧត្ដមសេនីយ៍ត្រីហេងប៊ុនទីមេបញ្ជាការកងរាជអាវុធហត្ថខេត្តព្រះសីហនុបានដឹកនាំបញ្ជាកម្លាំងជំនាញនៃកងរាជអាវុធហត្ថខេត្ត សរុបចំនួន៥៥នាក់ សហការជាមួយកម្លាំងតំបន់ប្រតិបត្តិការសឹករងខេត្តនិងដោយមានការសម្របសម្រួលផ្លូវច្បាប់ពីលោកព្រះរាជអាជ្ញារងអមសាលាដំបូងខេត្តចុះបង្ក្រាបករណីបង្ខាំងមនុស្សដោយខុសច្បាប់និងធ្វើទារុណកម្មលើជនជាតិចិនដូចគ្នាស្ថិតនៅក្រុមទី២២ភូមិ១សង្កាត់លេខ១ក្រុង+ខេត្តព្រះសីហនុ(មុខពន្ធនាគារខេត្តផ្លូវក្បាលឆាយ)។
លទ្ឋផលធ្វេីការឃាត់ខ្លួនបាន៖ ជនសង្ស័យជនជាតិចិនចំនួន០២នាក់ (ភេទប្រុស) និងវត្ថុតាងពាក់ព័ន្ឋធ្វើសកម្មភាពមួយចំនួន។ជួយសង្រ្គោះជនរងគ្រោះជនជាតិចិនចំនួន០៤នាក់(ភេទប្រុស)។
បច្ចុប្បន្នជនល្មើសរួមទាំងវត្ថុតាងត្រូវបានកម្លាំងជំនាញយកមកកាន់បញ្ជាការដ្ឋានអាវុធហត្ថខេត្តដើម្បីអនុវត្តតាមនិតិវិធីច្បាប់បន្ត៕