សាខាកាកបាទក្រហមកម្ពុជា រាជធានីភ្នំពេញបើកវគ្គអប់រំផ្សព្វផ្សាយ អំពីសុវត្ថិភាពចរាចរណ៍ដល់សិស្សានុសិស្សជិត២០០នាក់
ភ្នំពេញ៖លោកជិន ប៊ុនធឿន នាយកប្រតិបត្តិសាខាកាកបាទក្រហមកម្ពុជារាជធានីភ្នំពេញ និង ជានាយករងរដ្ឋបាលសាលារាជធានីភ្នំពេញបានអោយដឹងថាដោយនៅថ្ងៃទី ១៩ ខែ វិច្ឆិកា ឆ្នាំ ២០១៩នេះ ក្រុមកាងារសាខាកាកបាទក្រហមកម្ពុជា រាជធានីភ្នំពេញ ដឹកនាំដោយ លោក ប៉ាត ប៊ុនផា មន្ត្រីទទួលបន្ទុកយុវជនប្រចាំសាខា បានចុះបេីកវគ្គអប់រំផ្សព្វផ្សាយសុវត្ថិភាពចរាចរណ៍ផ្លូវគោក ស្តីពី ហានិភ័យនៃការបេីកបរក្រោមឥទ្ធិពលគ្រឿងស្រវឹង ជូនដល់យុវជនកាកបាទក្រហមកម្ពុជា និងសិស្សានុសិស្សចំនួន១០២នាក់ (ស្រី៧០នាក់) នៅវិទ្យាល័យ ហ៊ុន សែន ចាក់អង្រែ និងយុវជនកាកបាទក្រហមកម្ពុជាចំនួន៩៥នាក់ (ស្រី៦០នាក់) នៅវិទ្យាល័យចំណេះទូទៅ និងបច្ចេកទេស ហ៊ុន សែន ជម្ពូវ័ន ។ ដែលវគ្គអប់រំនេះបានការជួយឧបត្ថម្ភថវិកាពីក្រុមហ៊ុនអាកាសយានដ្ឋានអន្តរជាតិភ្នំពេញ តាមរយៈទីស្នាក់ការកណ្តាលកាកបាទក្រហមកម្ពុជា ។
វគ្គអប់រំផ្សព្វផ្សាយបានលេីកយកប្រធានបទសំខាន់ៗមកបង្ហាញរួមមាន៖
១- បង្ហាញពីស្ថានភាពគ្រោះថ្នាក់ចរាចរណ៍សកល និងកម្ពុជា ។
២- បង្ហាញពីផលប៉ះពាល់នៃការបើកបរក្រោមឥទ្ធិពលគ្រឿងស្រវឹង និងការបើកបរមិនពាក់មួកសុវត្ថិភាព ។
៣- បង្ហាញពីច្បាប់មួយចំនួនដែលពាក់ព័ន្ធនឹងការបើកបរមិនពាក់មួកសុវត្ថិភាព និងការបើកបរក្រោមឥទ្ធិពលគ្រឿងស្រវឹង ។
៤- បង្ហាញពីកត្តាផ្សេងៗដែលមានសុវត្ថិភាព ពេលបេីកបរ និងធ្វេីដំណេីរ ។
៥- សំណួរ និងចម្លេីយពាក់ព័ន្ធនឹងបទបង្ហាញខាងលេី ៕
