ស្លាប់ជិត ២០នាក់ ពេលធ្លាក់យន្តហោះនៅកុងហ្គោ
មនុស្សយ៉ាងតិចណាស់ចំនួន ១៧នាក់បានស្លាប់ បន្ទាប់ពីយន្តហោះមួយគ្រឿង បានធ្លាក់បុកចំផ្ទះជាច្រើនខ្នង នៅភាគខាងកើតសាធារណៈប្រជាធិបតេយ្យកុងហ្គោ កាលពីថ្ងៃអាទិត្យម្សិលមិញនេះ។
យន្តហោះនោះបានធ្លាក់នៅក្នុងស្រុក Goma ភ្លាមៗក្រោយពេលវាហោះចេញពីព្រលាននៅព្រឹកថ្ងៃអាទិត្យ។ នេះបើតាមការបញ្ជាក់របស់អភិបាលខេត្តលោក Nzanzu Kasivita Carly នៅក្នុងសេចក្តីប្រកាស។
យន្តហោះដែលធ្លាក់ជារបស់ក្រុមហ៊ុនឯកជនឈ្មោះ Busy Bee។
លោកអភិបាលខេត្តបានថ្លែងថា អាជ្ញាធរកំពុងតែប្រមូលភស្តុតាងលម្អិត ដើម្បីឲ្យដឹងពីមូលហេតុនៃការធ្លាក់៕