២នាក់ប្តីប្រពន្ធ ជាបុគ្គលិកផ្នែកអនាមយ័ក្នុងកាសុីណូមួយនៅក្រុងព្រះសីហនុ ប្រទះឃើញស្លាប់ក្នុងបន្ទប់ទឹក

ក្រុងព្រះសីហនុ៖ ជនរងគ្រោះបុរស ស្ត្រី២នាក់ប្តីប្រពន្ធ ដែលអ្នកជិតខាងប្រាប់ថាធ្វើការជាបុគ្គលិកផ្នែកអនាមយ័ក្នុងកាសុីណូមួយនៅក្រុងព្រះសីហនុ គេប្រទះឃើញស្លាប់ក្នុងបន្ទប់ទឹកទាំង២នាក់ នៅផ្ទះជួលកន្លែងជនរងគ្រោះស្នាក់នៅក្នុងសង្កាត់លេខ១ ក្រុងព្រះសីហនុ ម្តុំមុខរោងចក្រញូស្តារ ដែលតាមសន្និដ្ឋានថាជនរងគ្រោះទំនងជាស្លាប់ដោយឆក់ខ្សែភ្លើង តាំងពីព្រឹកព្រលឹមថ្ងៃ៧ធ្នូ២០១៩នេះ ។ រហូតមកល្ងាចថ្ងៃដដែលទើបមានការភ្ញាក់ផ្អើលពីពលរដ្ឋអ្នកជិតខាង រួចរាយការណ៍ជូនសមត្ថកិច្ចចុះពិនិត្យធ្វើកោសល្យវិច្ច័យ ៕