ប្រភពព័ត៌មានទាន់ហេតុការណ៍ក្រុងភ្នំពេញ

យុវជនម្នាក់វាយ នាយចឺម បែកក្បាល ព្រោះខឹងឆាតសារសង ជាមួយសង្សាខ្លួន

32

តារាកំប្លែង និងជាតារាចម្រៀង រហស្សនាម នាយចឺម ត្រូវបានយុវជនម្នាក់ យកដំបងឈើវាយក្បាល និងរបួសពេញដៃនៅវេលាម៉ោង ៤​និង២០នាទីរសៀល ថ្ងៃពុធ ទី១៨ ខែធ្នូ ឆ្នាំ២០១៩ នៅចំណុចបុរីម្កុដពេជ្រ ស្ថិតក្នុងភូមិផ្សារព្រំជើង ឃុំស្ទឹងកាច់ស្រុកសាលាក្រៅ ខេត្តប៉ៃលិន។

សមត្ថកិច្ចបានឱ្យដឹងថា ជនរងគ្រោះឈ្មោះ សុខ មេសា ហៅនាយចឺម ភេទប្រុស អាយុ២២ឆ្នាំ មុខរបរជាតារាចម្រៀង ប្រចាំនៅផលិតកម្មសាន់ដេ រស់នៅភូមិត្រាចកោះ ឃុំមហាឬស្សី ស្រុកគងពីសី​ ខេត្តកំពង់ស្ពឺ។ ដោយឡែក ជនសង្ស័យឈ្មោះ ង៉ែត លីទីភេទប្រុស អាយុ២២ឆ្នាំ មុខរបរ បុគ្គលិកក្រុមហ៊ុន រស់នៅភូមិផ្សារព្រំជើង ឃុំស្ទឹងកាច់ សាលាក្រៅ ខេត្តប៉ៃលិន​ ។

ជនសង្ស័យបាន យកកំណាត់ ឈើប្រវែងប្រហែល០,១ម៉ែត្រ មកវាយជនរងគ្រោះ បណ្តាលឱ្យមានរង របួសត្រង់កំភួនដៃទាំងសងខាង​ និងបែកក្បាលចំនួន៥ថ្នេ​រ ​ ព្រមទាំងបែកទូរស័ព្ទ ម៉ាកអាយហ្វូន​ អិច​ មួយគ្រឿង(ខូចទាំងស្រុង)។

​ មូលហេតុជនសង្ស័យប្រច័ណ្ឌ​ ព្រោះជនរងគ្រោះបានឆាតទៅរកសង្សារបស់ខ្លួន។ បច្ចុប្បន្នជនសង្ស័យ ត្រូវបានឃាត់ខ្លួន នៅអធិការដ្ឋាននគរបាលស្រុកសាលាក្រៅ ដើម្បីកសាសំណុំរឿង បញ្ជូនទៅតុលាចាត់ការ តាមនីតិវិធីច្បាប់៕

អត្ថបទដែលជាប់ទាក់ទង