មូសច្រើនមហាច្រើននៅក្នុងសាលារៀន លោកគ្រូ អ្នកគ្រូស្នើសុំឲ្យមានវិធានការកម្ចាត់មូសទាំងនោះ ខណៈគ្រាន់តែហាមាត់ក៏មួសហើរចូលក្នុងមាត់ដែរ

  ការស្នើឡើងបែបនេះបានធ្វើឡើងក្នុងកាលពីព្រឹកថ្ងៃទី ១៨ ខែធ្នូឆ្នាំ ២០១៩ ក្នុងវេទិកា ផ្សព្វផ្សាយនិង

ពិគ្រោះយោបល់ជាមួយប្រជាពលរដ្ឋនៅសាលាខណ្ឌកំបូល រាជធានីភ្នំពេញ ដោយមានវត្តមានលោកស្រីរដ្ឋមន្ត្រី អុឹង កន្ថាផារី ប្រធានក្រុមការងារថ្នាក់ជាតិចុះជួយមូលដ្ឋានខណ្ឌកំបូល លោកប៉ា សុជាតិវង្សប្រធានក្រុមប្រឹក្សារាជធានីភ្នំពេញ និងលោកហួត ហៃ អភិបាលរងរាជធានីភ្នំពេញព្រមទាំងមានការចូលរួមពីប្រជាពលរដ្ឋ លោកគ្រូ អ្នកគ្រូជាង៦០០នាក់។

    អ្នកគ្រូ បានលើកឡើងថា នៅសាលាបឋមសិក្សាកំបូលមូសច្រើនមែនទែន ពោលគឺគ្រាន់តែបើកទ្វារសាលាភ្លាមមូសហើរដូចឃ្មុំ ហើយខណៈដែរសិស្ស លោកគ្រូ អ្នកគ្រូហាមាត់និយាយ មូសហើរចូល

ទៅក្នុងប្រហោងមាត់តែម្តង។ បញ្ហានេះអ្នកគ្រូស្នើសុំឲ្យអាជ្ញាធរគ្រីធានីភ្នំពេញនិងមន្ទីរពាក់ព័ន្ធជួយដោះស្រាយពីកង្វល់នេះផង។

    ពាក់ព័ន្ធនឹងកង្វល់របស់អ្នកគ្រូលើកឡើងនេះ លោកងី មានហេង ប្រធានមន្ទីរសុខាភិបាលរាជធានីភ្នំពេញបានបញ្ជាក់ថា សម្រាប់ការស្នើសុំរបស់អ្នកគ្រូ មន្ទីរនិងអនុវត្តដោយបញ្ជូនរថយន្តបាញ់ថ្នាំសម្លាប់មូសទៅបាញ់នៅល្ងាចថ្ងៃទី១៨ធ្នូនេះភ្លាមៗតែម្តង។ ប៉ុន្តែទោះបីជាយ៉ាងណាក្តីលោកងី មានហេង ក៏បានមានប្រសាសន៍

បញ្ជាក់ផងដែរថា ការកម្ចាត់មូសដោយសារការបាញ់ថ្នាំសម្លាប់មិនមែនជាវិធានការយូរអង្វែងនិងល្អប្រសើរគ្រប់ជ្រុងជ្រោយនោះទេ។អ្វីដែលជាបញ្ហាសំខាន់គឺ ការមានវិធានការការទប់ស្កាត់ បង្ការកុំឲ្យកើតមានមូសនៅក្នុងបរិវេណសាលារៀននិងភូមិដ្ឋានរបស់ប្រជាពលរដ្ឋ ។

  លោកបញ្ជាក់ទៀតថា ការបាញ់ថ្នាំមូស អាចសម្លាប់មូសបានត្រឹមតែ៦ ថ្ងៃប៉ុណ្ណោះ ហើយកាលណាបើសិនយើង បាញ់ច្រើនដងទៀតវានឹងធ្វើឲ្យមានភាពស៊ាំមិនអាចសម្លាប់ពួកវាបានទៀតទេ ហើយអ្វីដែលជាវិធានការដោះស្រាយ គឺមានតែការកម្ចាត់ជម្រកមូសចេញពីក្នុងសាលា និងភូមិដ្ឋាន ដោយការកាប់ រៀនព្រៃដែលដុះស៊ុបទ្រុបនៅជិតសាលារៀន ការកំចាត់នូវសំបកដូងសំបកកង់ឡានដែលដក់ទឹក ។ បញ្ហាធំដែលយើងគួរព្រួយបារម្មណ៍ខ្លាំងនោះគឺមូសខ្លា ដោយកូសខ្លាវារស់នៅក្នុងទឹកដក់ថ្លា ដែលយើងត្រូវគ្នាកំចាត់ ដើម្បីជៀសអោយផុតពីជម្ងឺគ្រុនឈាម ហើយ ខាងមន្ទីរសុខាភិបាលនិងបញ្ជូនអាបេតដើម្បីដាក់នៅក្នុងទឹកទាំងនោះ ដើម្បីសម្លាប់មូសខ្លាផងដែរ។