រថយន្តមួយគ្រឿង បើកឡើងច្រាំងទូកដព្រែកពោធិ៍មិនរួច រអិលថយក្រោយ បុកមនុស្សរបួសច្រើននាក់
កំពង់ចាម៖ នៅលើទូកដព្រែកពោធិ៍ មានករណីរថយន្តមួយគ្រឿង បើកឡើងច្រាំងមិនរួច បានថយក្រោយជ្រុលហ្គែរយ៉ាងខ្លាំង បណ្តាលឲ្យគូទរថយន្តទៅបុកនឹងមនុស្សស្រី២នាក់ តៃកុងទូកម្នាក់ រួមនឹងកូនក្មេងប្រុស២នាក់ទៀត ផ្ទប់នឹងជណ្តើរឡើងលើដំបូលទូក ហើយប៉ើងទៅបុកនឹងបង្កាន់ដៃដែកទូក ធ្វើឲ្យស្រ្តី២នាក់ របួសយ៉ាងធ្ងន់ធ្ងរបំផុត។
ហេតុការណ៍នេះ បានកើតឡើងនៅម៉ោងហ្រហែល៥ល្ងាច ថ្ងៃទី២៦ ខែធ្នូ ឆ្នាំ២០១៩ មានរថយន្ត Lexus RX330 មួយគ្រឿង ឆ្លងទូកដ ពីស្វាយស្រណោះ ទៅព្រែកពោធិ៍។ ពេលរថយន្តចូលមកដល់ច្រាំងទន្លេ រថយន្តក៏បើកឡើងច្រាំង តែដោយសារច្រាំងផ្លូវចោទខ្លាំងពេក រថយន្តក៏អកស៊ើ ទៅមុខមិនរួច ក៏ថយក្រោយ ដើម្បីឡើងម្តងទៀត។ លុះពេលឡើងម្តងទៀត រថយន្តក៏ផុងដីទៅមុខលែងរួចម្តងទៀត បន្ទាប់មកតៃកុងទូកដក៏ដើរមកស៊ីញ៉ូរថយន្ត ឲ្យចុះក្រោមទៅលើទូកដម្តងទៀត។ ពេលនោះហើយ ដែលរថយន្តបានថយជ្រុលហ្គែរយ៉ាងខ្លាំង ដែលបណ្តាលឲ្យគូទរថយន្តទៅបុកនឹងមនុស្សស្រី២នាក់ តៃកុងទូកម្នាក់ រួមនឹងកូនក្មេងប្រុស២នាក់ទៀត ទៅបុកផ្ទប់នឹងជណ្តើរឡើងលើដំបូលទូកដ ហើយប៉ើងទៅបុកនឹងបង្កាន់ដៃដែកទូកដ ធ្វើឲ្យស្រ្តី២នាក់របួសយ៉ាងធ្ងន់ធ្ងរបំផុត កូនក្មេងប្រុសម្នាក់ និងតៃកុងទូកម្នាក់ ក៏រងរបួសធ្ងន់ផងដែរ។
មហាជនបានលើកឡើងថា ពាក់ព័ន្ធនឹងករណីខាងលើនេះ នរណាជាអ្នកទទួលខុសត្រូវចំពោះអាយុជីវិតនេះ? អ្នកដែលខ្ញុំដាក់បន្ទុកចំពោះហេតុនេះ។ ម្ចាស់ទុកដរព្រែកពោធិ៍ ពួកអ្នកជាមនុស្សគ្មានគុណធម៌ គ្មានទំនួលខុសត្រូវ សូម្បីតែផ្លូវឡើងចុះ មិនព្រមធ្វើឲ្យស្រួលសម្រាប់អ្នកឡើងចុះ យកលុយពេញដៃ តែពួកអ្នកចង្រៃបំផ្លាញជីវិតគេ។
មហាជនក៏បានស្តីបន្ទោសចំពោះមន្ត្រីស្រុកស្រីសន្ធរ ឃុំព្រែកពោធិ៍ ពួកលោកអ្នកធ្លាប់ឆ្លងទូកព្រែកពោធិ៍អត់? ពួកលោកមានដឹងថាផ្លូវឡើងចុះនេះ អាក្រក់យូរយ៉ាងណាមកហើយទេ? ហេតុអីមិនពិនិត្យឲ្យម្ចាស់ទូកដកែលម្អផង?
នេះហើយលទ្ធផលដែលពួកលោកអ្នកព្រងើយកន្តើយប្រហែល២ឆ្នាំមកហើយ៕
