ចិន២នាក់ ចាប់ផ្តើមចេញលួចទូដែកលើកដំបូង ត្រូវជាប់ខ្នោះ
ស្រុកកណ្តាលស្ទឹង៖ ករណីប៉ុនប៉ងលួចយកទូដែក ដែលបង្កឡើងដោយជនជាតិចិន២នាក់ ជាលើកដំបូងត្រូវចាប់ខ្លួនវាយខ្នោះ
កើតហេតុ ថ្ងៃទី២៦ខែធ្នូឆ្នាំ២០១៩វេលាម៉ោង១៤និង២៥ នាទី ចំណុចរោងម៉ាស៊ីនកិនស្រូវ ហ៊ុន ជុងហេង ស្ថិតក្នុងភូមិព្រែករការ ឃុំ ព្រែករការស្រុកកណ្ដាលស្ទឹង ខេត្តកណ្តាល។
ស្នងការដ្ឋាននគរបាលខេត្តកណ្តាល បានឲ្យដឹងថាថ ជនសង្ស័យ០២នាក់ ១.ឈ្មោះ Sun ming lin ភេទប្រុស អាយុ ៤០ឆ្នាំ ជនជាតិ ចិន ស្នាក់នៅផ្ទះសំណាក់យីហោZhe shang មុខព្រលាន យន្តហោះ អន្តរជាតិ ភ្នំពេញ ។ ២.ឈ្មោះ Long chang ភេទប្រុស អាយុ ៣០ឆ្នាំជនជាតិ ចិន ស្នាក់នៅផ្ទះសំណាក់ជាមួយគ្នា។
ចំណែកជនរងគ្រោះ ឈ្មោះ ញឹប ស៊ីថា ភេទស្រី អាយុ ៣៤ឆ្នាំមានទីលំនៅភូមិឃុំកើតហេតុខាងលើ។ វត្ថុតាងចាប់យក ៖ ១.ម៉ូតូ០១គ្រឿងម៉ាក ស៊ុយសាគីវីវ៉ា ពណ៌ខ្មៅ ពាក់ស្លាកលេខ ភ្នំពេញ1FE-2379 ។ ២.ទូរស័ព្ទដៃ០២គ្រឿង ប្រាក់ចំនួន២៥០ដុល្លារប្រាក់ខ្មែរ ចំនួន២០.០០០រៀល និងវត្ថុតាងមួយចំនួនទៀត។
នគរបាលបានប្រាប់ពីសភាពនៃរឿងហេតុនេះថា នៅថ្ងៃទីខែឆ្នាំកើតហេតុខាងលើវេលាម៉ោង១៤និង២៥នាទី ជនសង្ស័យជាជនជាតិចិនបានជិះម៉ូតូ១គ្រឿងម៉ាកស៊ុយសាគីវីវ៉ាពណ៌ខ្មៅ ពាក់ស្លាកលេខ ភ្នំពេញ 1FE-2379 មកឈប់នៅមុខរោងម៉ាស៊ីនស្រូវរួចជនសង្ស័យ ទាំង២ បានចុះពីលើម៉ូតូ ហើយជនសង្ស័យ ឈ្មោះ Long chang បានដើរចូលទៅក្នុងរោងម៉ាស៊ីនកិនស្រូវដល់ចំណុច មុខបន្ទប់ស្រាប់តែជនរងគ្រោះ បានស្ទុះចេញចេញមកសួរនាំថាមករកអ្វី ហេីយជនសង្ស័យ បានចង្អុលទៅកន្លែងម៉ាស៊ីនកិនស្រូវ និងចង្អុលទៅគំនរ បាវអង្ករ ពេលនោះជនរងគ្រោះបាន នាំជនសង្ស័យ ទៅកន្លែងបាវអង្ករ ចំងាយពីបន្ទប់ដេករបស់ខ្លួនចំងាយប្រហែល២០ម៉ែត្រ ពេលនោះជនសង្ស័យម្នាក់ទៀតឈ្មោះ Sun min lin ដោយឃេីញជនរងគ្រោះ នៅតែម្នាក់ឯង ក៏បានដោយចូលតាមក្រោយ សំដៅចូលទៅក្នុងបន្ទប់ដេករបស់ជនរងគ្រោះ ហើយបានបើកទូដាក់ខោអាវ ក្រោយមកប្តីរបស់ជនរងគ្រោះ យឹម ប៊ុនធឿន បានជិះម៉ូតូពីឃ្លាំងស្រូវ ខាងក្រោយ ហើយបានឃើញជនសង្ស័យឈ្មោះ Sun ming lin បើកទ្វារ បន្ទប់គេងរបស់ខ្លួន រួចស្រែកសួរ ស្រាប់ជនសង្ស័យ ទាំងពីរបានរត់ស្ទុះងឡើងជិះម៉ូតូ រត់គេចខ្លួន តែត្រូវប្តីរបស់ជនរងគ្រោះ ធាក់ម៉ូតូបណ្តាលឲ្យដួល ហើយត្រូវបានប្រជាពលរដ្ឋដេញតាមចាប់រួចប្រគល់ជូន សមត្ថកិច្ចតែម្តង៕
