កម្លាំងល្បាតនគរបាលខណ្ឌឫស្សីកែវ ឃាត់ជនសង្ស័យម្នាក់ លួច ទូរស័ព្ទនិងប្រាក់
ភ្នំពេញ៖ ការបង្ក្រាបជាក់ស្តែងករណីលួច ទូរស័ព្ទនិងប្រាក់ នៅថ្ងៃទី០៨ មករា ២០២០ វេលាម៉ោង០៤ម៉៣០នាទីចំណុចផ្ទះលេខ៧៧ក ផ្លូវបេតុង ក្រុមទី៧ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ កម្លាំងល្បាតខណ្ឌនិងប៉ុស្តិ៍ឫស្សីកែវបានឃាត់ជនសង្ស័យម្នាក់។
ជនសង្ស័យឈ្មោះហួរ សុខហេង ភេទប្រុស អាយុ១៨ឆ្នាំ មានទីលំនៅនិងមុខរបរមិនពិតប្រាកដ (មានសារធាតុញៀនជាមុខសញ្ញាចាស់)។
ចំណែកជនរងគ្រោះ ឈ្មោះ ប៊ុន ហ៊ាន ភេទប្រុសអាយុ៧៥ ឆ្នាំ មានទីលំនៅផ្ទះលេខ៧៧ក ផ្លូវបេតុង ក្រុមទី៧ ភូមិមិត្តភាពសង្កាត់ឫស្សីកែវ មុខរបរនៅផ្ទះ។ ឈ្មោះ ជុំ មិនា ភេទប្រុស អាយុ១៨ឆ្នាំ មានទីលំនៅ ស្នាកនៅក្នុងការដ្ឋាន ក្រុមទី៧ ភូមិមិត្តភាព សង្កាត់ឫស្សីកែវ មុខរបរ បុគ្គលិកអង្គការចាយការ(JICA) ។សម្ភារបាត់បង់រួមមាន ៖
ទូរស័ព្វដៃម៉ាកអាយហ្វូនចំនួនពីរគ្រឿង ប្រាក់រៀលចំនួន៦៤០០០រៀល ។សម្ភារដកហូតមាន ៖ ម៉ូតូមួយគ្រឿងម៉ាកលេតពណ៌ទឹកមាស ពាក់ផ្លាកលេខភ្នំពេញ ១IB៥២១៣ ។ទូរស័ព្វម៉ាកអាយហ្វូនចំនួនពីរគ្រឿង ប្រាក់រៀលចំនួន៦៤០០០រៀល ។
នគរបាលបានបញ្ជាក់ពីដំណើររឿងហេតុនេះថា នៅថ្ងៃ ខែ ឆ្នាំខាងលើជនសង្ស័យបានជិះម៉ូតូមកឈប់ នៅជិតផ្ទះជនរងគ្រោះ ស្របពេលជនរងគ្រោះគាត់ចេញហាត់ប្រាណ មិនបិតទ្វារជាឱកាសល្អសម្រាប់ជនសង្ស័យ លបចូលទៅក្នុងធ្វើសកម្មភាព រើកកាយលួចសម្ភារពេលនោះជនរងគ្រោះចូលមកទាន់ បានស្រែកឆោឡោពេល នោះសមត្ថកិច្ចយើងកំពុងល្បាតជិតនោះ ជួយអន្តរាគមន៍បានឃាត់ជនសង្ស័យ១នាក់។
ចំណែកឯសម្ភារបានប្រគល់ជូនជនរងគ្រោះ យកទៅប្រើប្រាស់វិញហើយ។
ចំពោះមុខផ្នែកជំនាញខណ្ឌប៉ុស្តិ៍កំពុង សាកសួរយកចម្លើយស្រាវជ្រាវរកបក្ខបន្ថែម និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ដើម្បីអនុវត្តន៍ទៅតាមនីតីវិធី៕