បង្ក្រាបករណីជួញដូរចែកចាយគ្រឿងញៀន ឃាត់ខ្លួនជនសង្ស័យ៤នាក់
ព្រះសីហនុ ៖ ជនសង្ស័យចំនួន៤នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន ត្រូវបានកម្លាំងជំនាញ នៃអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀន នៅចំណុចបន្ទប់ជួល ស្ថិតក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ នៅថ្ងៃទី៨ ខែមករា ឆ្នាំ២០២០ វេលាម៉ោង១៥និង៣០នាទី ។
កម្លាំងជំនាញនៃអធិការដ្ឋាននគរបាលស្រុកព្រៃនប់បានចុះបង្ក្រាបករណីគ្រឿងញៀន នៅចំណុចបន្ទប់ជួលស្ថិតក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ដោយឃាត់ខ្លួនជនសង្ស័យបានចំនួន ៤នាក់ ៖ ១-ឈ្មោះ ហន ហឿន ភេទប្រុស អាយុ៣១ឆ្នាំ មានទីលំនៅភូមិត្រពាំងសេះ ឃុំល្អាង ស្រុកឈូក ខេត្តកំពត មុខរបរកសិករ ។ ២-ឈ្មោះ មុំ កក្កដា ភេទប្រុស អាយុ៣៧ឆ្នាំ មានទីលំនៅភូមិត្រពាំងសេះ ឃុំល្អាង ស្រុកដងទង់ ខេត្តកំពត មុខរបរបើកបរ ។ ៣-ឈ្មោះ ដោម ឆាង ភេទប្រុស អាយុ១៩ឆ្នាំមានទីលំនៅ ភូមិត្រពាំងសេះ ឃុំល្អាង ស្រុកដងទង់ ខេត្តកំពត មុខរបរកម្មរោងចក្រ។ ៤- សៅ សុខគា ភេទប្រុស អាយុ២០ ឆ្នាំមានទីលំនៅ ភូមិដូនឪ ឃុំជុំគីរី ស្រុកជុំគីរី ខេត្តកំពត មុខរបបរ មិនពិតប្រាកដ ។
ដកហូតវត្ថុតាងរួមមាន៖ ម្សៅក្រាមសថ្លាសង្ស័យសារធាតុញៀនចំនួន៨កញ្ចប់ (ធំ២កញ្ចប់,តូច៦កញ្ចប់) ប្រភេទថ្នាំគ្រាប់ពណ៌ក្រហមសង្ស័យសារធាតុញៀន១កញ្ចប់ មានចំនួន៣គ្រាប់ ទូរស័ព្ទដៃចំនួន៤គ្រឿង និងជញ្ជីងថ្លឹងថ្នាំញៀន១គ្រឿង ។
ករណីកម្លាំងជំនាញការិយាល័យប្រឆាំងគ្រឿងញៀនកំពុងបន្តតាមនីតិវិធី ៕
