ស្នងការនគរបាលខេត្តកំពង់ស្ពឺ ដឹកនាំកងកម្លាំងមន្រ្ដីនគរបាលចូលរួមគោរពវិញ្ញាណក្ខន្ធ សពនាយរងប៉ុស្តិ៍នគរបាល ត្រូវបានជនល្មើសបាញ់សម្លាប់
កំពង់ស្ពឺ ÷
លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ដឹកនាំកងកម្លាំងមន្រ្ដីនគរបាលចូលរួមគោរពវិញ្ញាណក្ខន្ធ សពនាយរងប៉ុស្តិ៍នគរបាល ត្រូវបានជនល្មើសបាញ់សម្លាប់ ពេលចុះអន្តរាគមន៍ករណីអំពើហិង្សានៅភូមិក្រាំងចេក ឃុំចំបក់ ស្រុកភ្នំស្រួច។ នៅថ្ងៃដដែល លោក ស្នងការនគរបាលខេត្តកំពង់ស្ពឺ អញ្ជើញសាកសួរសុខទុក្ខកងកម្លាំងនគរបាល សំរាកព្យាបាលនៅមន្ទីរពេទ្យខេត្តកំពង់ស្ពឺ រងរបួសដោយសារជនល្មេីសវាយពេលចុះអន្ដរាគមន៍ជួយប្រជាពលរដ្ពលរដ្ឋក្នុងករណីអំពេីហឹង្សនៅថ្ងៃទី១៩មករា។
កាលពីវេលាម៉ោង១៩:៤៥នាទី នាថៃ្ងទី១៨ ខែមករា ឆ្នាំ២០២០ លោកនាយករងប៉ុស្តិ៍នគរបាលរដ្ឋបាលចំបក់ ស្រុកភ្នំស្រួច ត្រូវបានជនល្មើសបាញ់សម្លាប់ ក្នុងពេលដែលចុះអន្តរាគមន៍ លេីករណីអំពើហិង្សាមួយដែលកើតឡើងនៅភូមិក្រាំងចេក ឃុំចំបក់ ស្រុកភ្នំស្រួច ខេត្តកំពង់ស្ពឺ ក្នុងហេតុការណ៍នោះដែរ ក៏បណ្ដាលឲ្យមន្រ្ដីរងរបួសពីរនាក់ នាយរងប៉ុស្ដិ៍ស្លាប់ នាយប៉ុស្ដិ៍ រងរបួសធ្ងន់បញ្ជូនទៅសង្រ្គោះនៅមន្ទីរពេទ្យខេត្តកំពង់ស្ពឺ ។
រសៀលថ្ងៃទី១៩ ខែមករា ឆ្នាំ២០២០ លោកឧត្តមសេនីយ៍ទោ សម សាមួន ស្នងការនគរបាលខេត្ត ក្នុងនាមឯកឧត្ដម នាយឧត្ដមសេនីយ៍សន្ដិបណ្ឌិតអគ្គស្នងការនគរបាលជាតិ ឯកឧត្ដម វុី សំណាង អភិបាល នៃគណៈអភិបាលខេត្ត បានអញ្ញេីញដឹកនាំកងកម្លាំងនគរបាលចូលរួម គោរពវិញ្ញាណក្ខន្ធ ប្រគល់ជូនថវិកាមិត្តសមាគមនគរបាល និងបំពាក់ឋានន្តរស័ក្តិបច្ឆាមរណៈថ្នាក់វរសេនីយ៍ត្រីជូនសពលោកអនុសេនីយ៍ឯក ទុយ ពៅ ដែលត្រូវបានជនល្មេីសបាញ់សម្លាប់ ។
ក្នុងនាមឯកឧត្ដម នាយឧត្ដមសេនីយ៍សន្ដិបណ្ឌិត ឯកឧត្ដម អភិបាលខេត្ត កងកម្លាំងនគរបាលទូទាំងខេត្តកំពង់ស្ពឺ ពិតជាមានការសោកស្ដាយអាឡោះអាល័យជាពន់ពេក ចំពោះការបាត់បង់អាយុជីវិតមន្ត្រីនគរបាល ដែលបានលះបង់កំលាំងកាយកំលាំងចិត្ដក្នុងបុព្វហេតុបំរេីជាតិ-មាតុភូមិ ដែលជាគំរូវីរៈភាពអោយកងកម្លាំងនគរបាលចងចាំជានិច្ចក្នុងចិត្ដនូវគុណបំណាច់បស់លោក។
លោកឧត្តមសេនីយ៍ទោ សម សាមួន ស្នងការនគរបាលខេត្ត បានប្រគល់នូវថវិកា មិត្តសមាគមនគរបាលជាតិ រួមទាំងបច្ច័យផ្ទាល់ខ្លួន បច្ច័យអង្គភាព សរុប ១១.០០០.០០០ រៀល (ថវិកាឯកឧត្ដម នាយឧត្ដមសេនីយ៍សន្ដិបណ្ឌិត អគ្គស្នងការនគរបាលជាតិ ៣.០០០.០០០រៀល)និងបានបំពាក់ឋានន្តរស័ក្តិថ្នាក់វរសេនីយ៍ត្រី ជាកិច្ចបច្ឆាមរណៈជូនសពលោកអនុសេនីយ៍ឯក ទុយ ពៅ ។
លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ដឹកនាំកងកម្លាំងនគរបាល អញ្ជើញសាកសួរសុខទុក្ខកងកម្លាំងលោកអនុសេនីយ៍ឯក រស់ សារិន នាយប៉ុស្តិ៍នគរបាលរដ្ឋបាលចំបក់ រងរបួសក្នុងកិច្ចប្រតិបត្ដិការ ជួយអន្ដរាគមន៍ក្នុងករណីបង្កហឹង្សានៅភូមិក្រាំងចេក ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីវេលាម៉ោង១៩:៤៥នាទី នាថៃ្ងទី១៨ ខែមករា ឆ្នាំ២០២០ ប្រព្រឹត្តិឡេីងដោយជនល្មេីស ទូច ហេង ភេទប្រុស អាយុ២៨ឆ្នាំ បាញ់បង្កហឹង្សាដេញវាយឈ្មោះ ចន សុខវី ភេទប្រុស អាយុ២៥ឆ្នាំ និងដេញវាយលោកតា អាយុ៧០ឆ្នាំ យាយបង្កេីតអាយុ ៦៨ឆ្នាំ ទេីបមានកិច្ចស្នេីសុំជួយអន្ដរាគមន៍បន្ទាន់ពីសមត្ថកិច្ច នគរបាលរដ្ឋបាលចំបក់ ជាហេតុធ្វើឲ្យជនល្មើសឆ្លៀតឱកាសធ្វើការប្រតាយប្រតប់រហូតដណ្ដេីមបានអាវុធបាញ់ប្រហារមកលេីសមត្ថកិច្ចនគរបាលរួមមាន លោកអនុសេនីយ៍ឯក ទុយ ពៅ ស្លាប់ លោកអនុសេនីយ៍ឯក រស់ សារិន រងរបួសធ្ងន់ បញ្ជូនមកសង្រ្គោះបន្ទាន់នៅមន្ទីរពេទ្យខេត្តកំពង់ស្ពឺ ។
រសៀលថ្ងៃទី១៩ ខែមករា ឆ្នាំ២០២០ នេះផងដែរលោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ រួមជាមួយលោក លោកស្រី ស្នងការរង មន្រ្តីនគរបាលចំណុះស្នងការដ្ឋាននគរបាលខេត្ដ បាននាំយកនូវថវិកាមួយចំនួនជូនដល់លោកអនុសេនីយ៍ឯក រស់ សារិន នាយប៉ុស្ថិ៍ដែលកំពុងសំរាកព្យាបាលជំងឺនៅមន្ទីរពេទ្យខេត្តកំពង់ស្ពឺ ក្នុងនោះដែរលោកតាបង្កេីតជនល្មេីសក៏កំពុងសំរាកព្យាបាលនៅមន្ទីរពេទ្យខេត្តកំពង់ស្ពឺផងដែរ រងគ្រោះដោយសារអំពេីវាយរបស់លោកចៅ ពាល ថវិកាប្រគល់ជូនលោកអនុសេនីយ៍ឯក រស់ សារិន នាយប៉ុស្ដិ៍នគរបាលរដ្ឋបាលចំបក់ សរុប ៥លានរៀល ដប់មុឺនរៀល (ថវិកា ឯកឧត្ដម នាយឧត្ដមសេនីយ៍សន្ដិបណ្ឌិត ២ លានរៀល ) លោកឧត្តមសេនីយ៍ស្នងការ បានឧបត្ថម្ភថវិកាជូនលោកតា ជនល្មេីស ចំនួន៣០ មុឺនរៀល សម្រាប់ដោះស្រាយការលំបាកក្នុងពេលព្យាបាលជំងឺ ៕
