អធិការដ្ឋាននគរបាលខណ្ឌបឹងកេងកងបញ្ជូនសិស្សសាលា អន្តរទ្វីប អាមេរិកាំងម្នាក់ទៅតុលាការ ,ករណីហឹង្សាបណ្តាលឲ្យស្លាប់សិស្សដូចគ្នាម្នាក់
ភ្នំពេញ៖កាលពីរសៀលថ្ងៃទី២០ ខែមករា ឆ្នាំ២០២០នេះ កម្លាំងសមត្ថកិច្ចនគបាលព្រហ្មទណ្ឌបឹងកេងកង នៃស្នងរាជធានីភ្នំពេញ បានបញ្ជូនខ្លួនយុវសិស្សឈ្មោះ នី លីស៊ាង ភេទប្រុស អាយុ ១៥ឆ្នាំ មុខរបរ សិស្សសាលា អន្តរទ្វីប អាមេរិកាំ AIS ទៅកាន់សាលាដំបូងរាជធានីភ្នំពេញ ដើម្បីប្រគល់ជូនតំណាងអយ្យការបើកការស៊ើបសួរនិងចោទប្រកាន់តាមច្បាប់ ពាក់ពន្ធ័ករណីហឹង្សារបណ្តាលស្លាប់យុវសិស្សដូចគ្នា។
សូមរំលឹកថា សិស្សម្នាក់ ដែលរៀននៅសាលាអន្តរទ្វីប អាមេរិកាំង AIS ត្រូវមិត្តភ័ក្រវាយរហូតដល់ស្លាប់ ពេលបញ្ជូលមកដល់មន្ទីរពេទ្យមិត្តភាពខ្មែរ-សូវៀត។ ករណីនេះបានកេីតឡេីងកាលពីរសៀល ថ្ងៃទី១៨ ខែមករា ឆ្នាំ២០២០ ដែលស្ថិតនៅចំណុចផ្លូវ១៨៧ ជាប់របងសាលា អន្តរទ្វីប អាមេរិកាំង AIS សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
ជនបង្កមានឈ្មោះ នី លីស៊ាង ភេទប្រុស អាយុ ១៥ឆ្នាំ មុខរបរ សិស្សសាលា អន្តរទ្វីប អាមេរិកាំ AIS ស្នាក់នៅសង្កាត់បឹងទំពន់ទី១ ខណ្ឌមានជ័យ។ ចំណែកជនរងគ្រោះមានឈ្មោះ សំ សន្ធិវង្ស ភេទប្រុស អាយុ ១៤ឆ្នាំ មុខរបរ សិស្សថ្នាក់ទី៩ (ឃ) នៃសាលា អន្តរទ្វីប អាមេរិចកាំង AISស្នាកនៅភូមិត្នោតជ្រុំ សង្កាត់បឹងទំពន់ ខណ្ឌមានជ័យ រាជធានីភ្នំពេញ។
នៅមុនកើតហេតុ រវាងជនរងគ្រោះ និងជនសង្ស័យខាងលេី មានទំនាស់ពាក្យសំដីជាមួយគ្នា ដែលរៀននៅថ្នាក់ជាមួយគ្នា ដោយប្រើពាក្យសំដីអាមឹង ហើយក៏បានណាត់គ្នាវាយមួយទល់មួយ នៅផ្លូវ៤០២ ក្នុងសង្កាត់ទំនប់ទឹក ខណ្ឌបឹងកេងកង ចៃដន្យ ជនរងគ្រោះត្រូវដៃដល់វាយមួុយដៃចំដើមទ្រូង និងក បណ្តាលឲ្យចុកណែន ហើយត្រូវមិត្តភ័ក្ត្ររួមថ្នាក់ដឹកយកទៅសង្គ្រោះនៅមន្ទីរពេទ្យរុស្សុី។ ប៉ុន្តែ ត្រូវបានគ្រូពេទ្យប្រាប់ថា ជនរងគ្រោះបានស្លាប់បាត់បង់ជីវិតទៅហើយ ភ្លាមៗជនដៃដល់ក៏បានរត់គេចខ្លួនបាត់តែម្តង។
ក្រោយពីកេីតហេតុ មានករណីខាងលេីនេះ កម្លាំងសមត្ថកិច្ចប៉ុស្តិ៍ បានសហការជាមួយកម្លាំងសមត្ថកិច្ចខណ្ឌ បានចុះមកដល់កន្លែងកើតហេតុ និងបានធ្វើការស្រាវជ្រាវរហូតឈានដល់ការឃាត់ខ្លួនបានជនដៃដល់ខាងលើបាននៅផ្ទះជនសង្ស័យតែម្តង។
ក្រោយពីធ្វើការឃាត់ខ្លួនជនសង្ស័យខាងលើបានរួមមក កម្លាំងសមត្ថកិច្ចខណ្ឌ បានបញ្ជូនជនសង្ស័យរូបនេះ មកកាន់អធិការដ្ឋាននគរបាលខណ្ឌបឹងកេងកង ដើម្បីសាកសួរ និងកសាងសំណុំរឿង ចាត់ការបន្តតាមនីតិវីធីច្បាប់៕
