ព្រះសពសម្តេចធម្មលិខិត លាស់ ឡាយ នឹងរៀបចំក្បួនព្រះទីនាំង ហែព្រះសព នៅព្រឹកថ្ងៃទី០៣ ខែកុម្ភៈ ចេញពីវត្តសន្សំកុសល មកកាន់វិមានឯករាជ្យ

ភ្នំពេញ៖ ព្រះសពសម្តេចធម្មលិខិត លាស់ ឡាយសម្តេចព្រះសង្ឃនាយករងទី១ នៃព្រះរាជាណាចក្រកម្ពុជា ក្រោមការសហការរវាងរដ្ឋបាលរាជធានីភ្នំពេញនិងគណៈកម្មាធិការជាតិរៀបចំបុណ្យជាតិ–អន្តរជាតិ នឹងរៀបចំក្បួនព្រះទីនាំង ហែព្រះសព នៅព្រឹកថ្ងៃទី០៣ ខែកុម្ភៈវេលាម៉ោង៦និង០០នាទី ដោយនឹងហែល ចេញពីវត្តសន្សំកុសល ទៅកាន់វិមានឯករាជ្យ ។ តាមកាលបរិ

ច្ឆេទនេះរដ្ឋបាលរាជធានីភ្នំពេញនឹងធ្វើការបិទផ្លូវមួយចំនួនជាបណ្តោះអាសន្នផងដែរ ។

  នេះបើយោងតាមសេចក្តីជូនដំណឹងរបស់ឋបាលរាជធានីភ្នំពេញ ដែលក្នុងសេចក្តីជូនដំណឹងនេះមានន័យថា ៖រដ្ឋបាលរាជធានីភ្នំ

ពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ក្នុងរាជធានីភ្នំពេញឱ្យបានជ្រាបថានៅថ្ងៃទី០៣ ខែកុម្ភៈ ឆ្នាំ២០២០ រដ្ឋបាលរាជធានីភ្នំពេញ បានសហការជាមួយគណៈកម្មាធិការជាតិរៀបចំបុណ្យជាតិ–អន្តរជាតិ នឹងរៀបចំក្បួនព្រះទីនាំង ហែព្រះសពសម្តេចព្រះធម្មលិខិតលាស់ ឡាយ សម្តេចព្រះសង្ឃនាយករងទី១ នៃព្រះរាជាណាចក្រកម្ពុជា ប្រធានថេរសភាព្រះពុទ្ធសាសនានិងជាព្រះចៅអធិការវត្តសន្សំកុសល ចេញពីវត្តសន្សំកុសល ទៅកាន់វិមានឯករាជ្យ ដែលប្រារព្ធធ្វើឡើងនៅវេលាម៉ោង ០៦:០០នាទីព្រឹក។

    តាមកាលបរិច្ឆេទខាងលើ រដ្ឋបាលរាជធានីភ្នំពេញនឹងធ្វើការបិទផ្លូវជាបណ្តោះអាសន្ន ដោយមិនអនុញ្ញាតឱ្យយានជំនិះគ្រប់ប្រភេទឆ្លងកាត់ផ្លូវលេខ ៣៣BT មហាវិថីយោធពលខេមរភូមិន្ទ (ផ្លូវលេខ២៧១) មហាវិថីព្រះមុនីវង្ស (បញ្ច្រាសស្របស្ពានអាកាសក្បាលថ្នល់) មហាវិថីព្រះនរោត្តម (ផ្លូវលេខំ៤១) មហាវិថីព្រះសីហនុ (ផ្លូវលេខ២៧៤) មហាវិថីសម្តេចសុធារស (ផ្លូវលេខ៣) វិថីឧកញ៉ា ឈុន (ផ្លូវលេខ២៤០) វិថីឧកញ៉ា ស៊ូ ស្រ៊ុន (ផ្លូវលេខ៧) ចាប់ពីវេលាម៉ោង ០៦:០០នាទី រហូតដល់បញ្ចប់កម្មវិធី។

   អាស្រ័យហេតុនេះ សូមបងប្អូនប្រជាពលរដ្ឋទាំងអស់ក្នុងរាជធានីភ្នំពេញមេត្តាជ្រាប យោគយល់អធ្យាស្រ័យ និងបញ្ចៀសការធ្វើដំណើរឆ្លងកាត់ទីតាំងប្រារព្ធពិធីតាមកាលបរិច្ឆេទខាងលើដោយអនុគ្រោះ។ផុតរយៈពេលហាមឃាត់បណ្តោះអាសន្ននេះ រដ្ឋបាលរាជធានីភ្នំពេញនឹងបើកឱ្យធ្វើចរាចរណ៍ជាធម្មតាវិញ។

  គួររំលឹកថា សម្តេច សង្ឃ ព្រះ ធម្មលិខិត លាស់ ឡាយ បាន សោយ ព្រះ ទិវង្គត នៅេសៀលថ្ងៃ អង្គារ ទី ២៩ខែតុលា ឆ្នាំ ២០១៩ ក្នុង ព្រះ ជន្មាយុ ១០៦ ព្រះវស្សា ដោយ ព្រះ ជរាពាធ ។ ពេញ មួយ ព្រះជន្ម ដែលមាន រយៈពេលជាង ១ សតវត្ស សម្តេចព្រះ ធម្មលិខិត រួមចំណែក យ៉ាង ធំធេង ក្នុង ព្រះពុទ្ធសាសនា តាមរយៈ ព្រះរាជតួនាទី ជាសម្តេចព្រះ សង្ឃនាយក រង ទី ១ ព្រះប្រធាន ថេរ សភា សង្ឃ និង ជាស ម្តេច ព្រះចៅអធិការ វត្ត សន្សំ កុសល ៕