បទល្មើសចរាចរនៅខេត្តព្រះវិហារចាប់ មិនចេះអស់,ក្រុមការងារត្រួតពិនិត្យ យានយន្តកែច្នៃខុសលក្ខណៈបច្ចេកទេសបន្តឃាត់យានយន្តបាន៣៩គ្រឿង
ព្រះវិហារ៖ អ្នកបើកបរល្មេីសច្បាប់ដែលបានបេីកបរលេីកំណាត់ផ្លូវជាតិនានា ក្នុងភូមិសាស្ត្រខេត្តព្រះវិហារ នៅតែបន្កកេីតមានចាប់មិនចេះអស់។
ជាក់ស្តែងនៅ ថ្ងៃទី០៨ កុម្ភៈ ២០២០នេះ ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្ត ឃាត់បានយានយន្តចំនួន ៣៩គ្រឿង ដេីម្បីធ្វេីការត្រួតពិនិត្យ និងផាកពិន័យទៅតាមច្បាប់។
លោកសំ លាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារ បានបញ្ជាក់អោយដឹងថស នៅ
០៨/កុម្ភៈ/២០២០នេះ ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្ត នៅតែបន្តធ្វើការត្រួតពិនិត្យយានយន្តគ្រប់ប្រភេទក្នុងខេត្តព្រះវិហារ ដោយក្រុមការងារបានធ្វើការត្រួតពិនិត្យយានយន្តសរុបចំនួន ៣៩ គ្រឿង/នាក់ ។ ក្នុងនោះបានពិនិត្យឃើញថាត្រឹមត្រូវចំនួន ២៧គ្រឿង ដឹកខុសលក្ខណៈបច្ចេកទេស ចំនួន ០១គ្រឿង ឯកសារមិនគ្រប់គ្រាន់ ចំនួន ០៦ គ្រឿង គ្មានបណ្ណបេីកបរ ចំនួន ០១នាក់ បណ្ណបេីកបរក្លែងក្លាយ ចំនួន ០១នាក់ និងបណ្ណបើកបរខុសប្រភេទយានយន្ត ចំនួន ០៣នាក់។
បច្ចុប្បន្នរថយន្តទាំងនេះ បានធ្វើការអប់រំ និងពិន័យតាម នីតិវិធីច្បាប់រួចរាល់។
ករណីនេះ មន្ទីរសាធារណការ និងដឹកជញ្ជូនខេត្តព្រះវិហារ សូមអំពាវនាវឲ្យម្ចាស់យានយន្ត និងបងប្អូនប្រជាពលរដ្ឋទាំងអស់ ចូលរួមគោរពច្បាប់ចរាចរណ៍ឲ្យបានគ្រប់ៗគ្នា ពោលគឺ កុំដឹកលើសទម្ងន់ កុំកែឆ្នៃរថយន្តខុសលក្ខណៈបច្ចេកទេស និងកុំដឹកសំពីងសំពោងជាដាច់ខាត។
គួររំលឹកថា កាលពី ខែកុម្ភៈ ឆ្នាំ២០១៨កន្លងមកនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសដែរអញ្ជើញជាអធិបតីភាពបើកការដ្ឋាន
សាងសង់ស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ សម្តេចតេជោ ហ៊ុន សែនដាក់ឱសានវាទ ចាប់ពីម៉ោង០០យប់ថ្ងៃទី៩កុម្ភៈ តទៅ គ្មានវត្តមានឡាន តទ្រុង លើដងផ្លូវទៀតឡើយ ហើយបើមាននៅតំបន់ណា ភូមិសាស្ត្រណា ចៅហ្វាយខេត្ត និងក្រុងនោះ ជាអ្នកទទួលខុសត្រូវ។ បើនរណាមកតវ៉ាឬអ្នកកាង ទោះជាឋានៈណាក៏ដោយ ក៏ធ្លាក់បុណ្យស័ក្តិទាំងអស់ និងបញ្ចូលព្រៃសតែម្តង៕