នាយករដ្ឋមន្រ្តីថៃ បញ្ជាក់ពីមូលហេតុ ការបាញ់សម្លាប់នៅផ្សារថៃ, ទាហានជាខ្មាន់កាំភ្លើង ត្រូវបាញ់សម្លាប់

នាយករដ្ឋមន្រ្តីថៃលោកប្រាយុទ្ធ ចានអូឆាបានថ្លែងសរុបប្រាប់ អ្នកកាសែត
អំពីសោកនាដកម្មនៅថៃនៅពេលនេះថា ចំនួនអ្នកស្លាប់ដោយសារទាហានថៃ
បាញ់ស្លាប់សរុបមាន២៧នាក់ (បូកនឹង​ជនបង្កហេតុ) និងរបួស៥៧នាក់ក្នុង
នោះ១២នាក់​ចូលសង្រ្គោះ​បន្ទាន់ ២៥នាក់បានត្រឡប់ទៅផ្ទះវិញហើយ។លោកនាយករដ្ឋមន្រ្តីបញ្ជាក់ថាមូលហេតុននៃរឿងនេះគឺ បណ្តាល មកពីជម្លោះដីធ្លីរវាងកូនទាហាននិងមេបញ្ជាការខ្លួនយូរមកហើយ។
គួររលឹកថារឿងនេះគឺដំបូងកូនទាហានថៃនោះបានទៅឈ្លោះគ្នា នៅផ្ទះមេ
បញ្ជាការខ្លួនរឿងទិញដីម្តាយមេបញ្ជាការ។ ពេលនោះកូន ទាហាន អាយុ៣២ឆ្នាំ
នេះបានបាញ់សម្លាប់មេបញ្ជាការនិងម្តាយមេបញ្ជាការខ្លួន រួច រត់ទៅប្លន់
កាំភ្លើងនៅ បន្ទាយហើយ ចេញមកបង្កហេតុថែមទៀត​ គឺរត់​មកចូលផ្សារទំនើបបាញ់មនុស្សស្លាប់តាម ផ្លូវបន្តបន្ទាប់ មួយយប់ ជាងទម្រាំព្រឹកមិញម៉ោង៩ព្រឹកពួកគេបានបាញ់សម្លាប់វិញក្នុងហាង។

ទាហានថៃម្នាក់ ដែលបានបាញ់សម្លាប់មនុស្ស២៥នាក់ ត្រូវបានកងកម្លាំងសន្តិសុខថៃ បាញ់សម្លាប់ហើយ នៅក្នុងផ្សារទំនើបមួយកន្លែង ក្នុងទីក្រុង Nakhon Ratchasima (Korat) នៅព្រឹកថ្ងៃអាទិត្យនេះ។ នេះបើតាមប៉ូលិសថៃ ដកស្រង់ការផ្សាយដោយសារព័ត៌មាន BBC នៅថ្ងៃអាទិត្យ ទី០៩ ខែកុម្ភៈ ឆ្នាំ២០២០។

ការបាញ់សម្លាប់ទាហានជាខ្មាន់កាំភ្លើងខាងលើ ធ្វើឡើង បន្ទាប់ពី មានហេតុការណ៍បាញ់ប្រហារដ៏សាហាវមួយ បានកើតឡើងនៅម៉ោងប្រមាណ ៣៖៣០នាទីរសៀល កាលពីថ្ងៃសៅរ៍ នៅពេលទាហានម្នាក់ឈ្មោះ Jakraphanth Thomma បាញ់សម្លាប់មេបញ្ជាការម្នាក់របស់ខ្លួនឯង និងមនុស្សពីរនាក់ផ្សេងទៀត នៅឯបន្ទាយទ័ព Surathampithak។ ក្រោយមកទៀត រូបគេបានលួចយកកាំភ្លើងម៉ាក M60 machine gun រត់គេចខ្លួនសំដៅទៅ រកផ្សារទំនើបមួយ នៅក្នុងទីក្រុង Nakhon Ratchasima (Korat) ហើយបានបើកការបាញ់ប្រហារលើហ្វូងមនុស្សដោយ បណ្ដាលឱ្យមានអ្នកស្លាប់២៥នាក់ និង៣១នាក់ទៀតរងរបួស។ អាជ្ញាធរថៃជឿថាចំនួនអ្នកស្លាប់អាចនឹងកើនឡើង ដោយសារមានមនុស្ស ជាច្រើន នាក់រងរបួសធ្ងន់ផងដែរ។

យ៉ាងណាក៏ដោយ មកទល់នឹងពេលនេះ មិនទាន់បញ្ជាក់លម្អិតពីមូលហេតុនៅពីក្រោយការបាញ់ប្រហារនេះ នៅឡើយទេ តែខ្មាន់កាំភ្លើង បាន បង្ហោះសារមួយចំនួននៅលើ Facebook ដែលមានខឹ្លមសារដូច្នេះថា៖ «ខ្ញុំពិតជានឿយហត់ណាស់…ខ្ញុំមិនអាចកម្រើកសូម្បីតែម្រាមដៃរបស់ខ្ញុំ។ តើ ខ្ញុំគួរតែចុះចាញ់មែនទេ? …រកស៊ីមានបានដោយសារតែពុករលួយ និងកេងប្រវ័ញ្ចពីអ្នកដទៃ។ តើពួកគេគិតថាអាចយកលុយទាំងនោះទៅចាយ នៅឋានរកមែនឬទេ»៕