អ្នកស្លាប់ដោយវីរុស COVID-19 កើនដល់ជិត ១.៥០០នាក់
ចំនួនអ្នកស្លាប់ដោយសារវីរុសកូរ៉ូណានៅក្នុងប្រទេសចិន កើនដល់ចំនួនជិត ១.៥០០នាក់ ក្រោយពេលមានអ្នកស្លាប់ថ្មីចំនួន ១១៦នាក់។ ជាការបញ្ជាក់របស់គណៈកម្មការសុខភាពចិននៅថ្ងៃសុក្រនេះ។
ជាមួយគ្នានេះដែរ ក៏មានការឆ្លងថ្មីចំនួន ៤.៨២៣ករណី ធ្វើឲ្យតួលេខនៃអ្នកឆ្លងសរុបកើនលើស ៦៤.០០០នាក់។
ក៏មានការព្យាបាលឲ្យជាសះស្បើយចំនួនជាង ៧.០០០នាក់ផងដែរ។
សូមបញ្ជាក់ថា វីរុស COVID-19 ដែលជាឈ្មោះផ្លូវការ បានផ្ទុះឡើងកាលពីខែធ្នូ ឆ្នាំមុន នៅផ្សារមួយកន្លែងដែលលក់សត្វព្រៃ ក្នុងទីក្រុងវូហាន។
អ្នកវិទ្យាសាស្រ្តជឿជាក់ថា វីរុសដ៏កាចសាហាវនេះ កើតចេញមកដោយសារសត្វជ្រឹង និងពង្រូល៕