ឆ្លងចរន្តអគ្គិសនី ឆេះផ្ទះមួយខ្នង នៅសង្កាត់ទួលសង្កែ១
រាជធានីភ្នំពេញ ៖ នៅវេលាម៉ោង០៩:០០នាទីថ្ងៃស្រុក ៦រោចខែមាឃឆ្នាំកុរឯកស័កព.ស២៥៦៣ត្រូវនឹងថ្ងៃទី១៤ខែកុម្ភៈឆ្នាំ២០២០មានអគ្គីភ័យមួយកន្លែងកើតឡើងនៅស្ថិតនៅតាមបណ្តោយផ្លូវ៦២R ក្រុមទី៥ភូមិទួលសំពៅសង្កាត់ទួលសង្កែ១ ខណ្ឌឫស្សីរាជធានីភ្នំពេញ។
ម្ចាស់ឈ្មោះ :ប៊ូនសារីភេទ ស្រីអាយុ ៦៨ ឆ្នាំ មានមុខរបរនៅផ្ទះ ហើយមូលហេតុគឺឆ្លងចរន្តអគ្គិសនី បណ្តាលឲ្យឆេះខូចខាតទាំងស្រុងផ្ទះទំហំ៦ម៉ែត្រx៧ម៉ែត្រនឹងម៉ូតូ ០២ គ្រឿងទ្រព្យសម្បត្តិមួយចំនួនហើយរាលដាលដល់ផ្ទះអ្នកនៅក្បែរខាងចំនួន ០៦ គ្រួសារបន្តិចបន្តូច។
ប្រតិបត្តិការនេះប្រើប្រាស់រថយន្តការិយាល័យអគ្គិភ័យ ចំនួន ១៥ គ្រឿង ប្រេីប្រាស់ទឹកអស់ចំនួន ១៥ ឡាន ស្មេីនឹង ៦០ ម៉ែត្រគូប ។ រថយន្តជំនួយកងរាជអាវុធហត្ថរាជធានីភ្នំពេញចំនួន ០៣ គ្រឿង ប្រេីប្រាស់ទឹកអស់ចំនួន ០៣ ឡាន ស្មេីនឹង ១២ ម៉ែត្រគូប ។ រថយន្តជំនួយក្រុមហ៊ុនOCICទីក្រុងជ្រោយចង្វាចំនួន ០៣ គ្រឿងប្រើប្រាស់ទឹកអស់ចំនួន ០៣ ឡាន ស្មេីនឹង ១២ ម៉ែត្រគូប។
រថយន្តជំនួយក្រុមហ៊ុនស្រាបៀរកម្ពុជាចំនួន ០១ ឡាន ប្រេីប្រាស់ទឹកអស់ចំនួន ០១ ឡាន ស្មេីនឹង ០៦ ម៉ែត្រគូប ។រថយន្តជំនួយសាលាខណ្ឌឫស្សីកែវចំនួន ០១ គ្រឿង ប្រេីប្រាស់ទឹកអស់ចំនួន ០១ ឡាន ស្មេីនឹង ០៤ ម៉ែត្រគូប ៕
