ឆេះរថយន្តដឹកប្រេង គឺឆ្លងចរន្ដភ្លើងអាគុយ
ខេត្តតាកែវ ៖ ស្នងការដ្ឋាននគរបាលខេត្ត បានឲ្យដឹងថា នៅវេលាម៉ោង ១៦:៣៥ នាទី ថ្ងៃទី១៨ ខែកុម្ភៈ ឆ្នាំ២០២០ មានករណីអគ្គិភ័យឆាប់ឆេះរថយន្តដឹកប្រេងដោយ ខ្លួនឯងត្រង់ចំណុច ភូមិសុបិណ ឃុំព្រៃអំពក ស្រុកគិរីវង់ ខេត្តតាកែវ ។
អ្នកបើកបរឈ្មោៈ ជិន ជឿន ភេទ ប្រុស អាយុ ៣៥ ឆ្នាំ រថយន្តម៉ាក ហ៊ីយ៉ាន់ដៃ ពណ៌ស ផ្លាកលេខ ភ្នំពេញ ២A.៤៨១០ មានផ្ទុកនៅប្រេងម៉ាស៊ូត ចំនួន ៥០ ប៊ីដុង នឹងប្រេងសាំងចំនួន ០២ ប៊ីដុង នៅលើរថយន្ត ។
នគរបាល បានឲ្យដឹងថា មូលហេតុ: គឺឆ្លងចរន្ដភ្លើងអាគុយឡាន បណ្ដាលឲ្យឆេៈខូចខាតរថយន្ត និងសម្ភារៈទាំងស្រុង រីឯកម្លាំងជំនាញពន្លត់អគ្គិភ័យរបស់អធិការដ្ឋាននគរបាលស្រុក បានបាញ់ទឹកពន្លត់អស់ ០១ រថយន្ត ហើយករណីនេះ មិនបណ្ដាលឲ្យ គ្រោះថ្នាក់ដល់ផ្ទះសម្បែងរបស់ប្រជាពលរដ្ឋទេ ៕