សម្ដេចក្រឡាហោម ស ខេង បើកសន្និបាតត្រួតពិនិត្យលទ្ធផលការងារ ឆ្នាំ២០១៩ និងលើកទិសដៅបន្ដ របស់ក្រសួងមហាផ្ទៃ
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នៅព្រឹកថ្ងៃទី១៩ ខែកុម្ភៈ ឆ្នាំ២០២០នេះ បានអញ្ជើញជាអធិបតីបើកសន្និបាតត្រួតពិនិត្យលទ្ធផលការងារ ឆ្នាំ២០១៩ និងលើកទិសដៅបន្ដ ឆ្នាំ២០២០ របស់ក្រសួងមហាផ្ទៃ ។
អង្គសន្និបាតដ៏មានសារសំខាន់នេះ ក៏មានការចូលរួមពី ថ្នាក់ដឹកនាំក្រសួងមហាផ្ទៃ, ថ្នាក់ដឹកនាំស្ថាប័នចំណុះក្រសួងមហាផ្ទៃ, ថ្នាក់ដឹកនាំអគ្គស្នងការដ្ឋាននគរបាលជាតិ និងស្ថាប័នពាក់ព័ន្ធជាច្រើនទៀតផងដែរ ។
គួរជម្រាបថា សន្និបាតបូកសរុបលទ្ធផលការងាររបស់ក្រសួងមហាផ្ទៃនេះ នឹងត្រូវធ្វើឡើងរយៈពេលពីរថ្ងៃ ចាប់ពីថ្ងៃទី១៩ ដល់ថ្ងៃទី២០ ខែកុម្ភៈ ឆ្នាំ២០២០ ។ ដោយឡែក សម្រាប់ពិធីបិទ នឹងមានការអញ្ជើញជាអធិបតីភាព របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ៕