បណ្តេញចេញ ជនជាតិចិន ៩នាក់ ពាក់ព័ន្ធបទល្មើស បង្ករបួសស្នាមដោយចេតនា បទល្មើសសេដ្ឋកិច្ច និងបទល្មើសលួច
ភ្នំពេញ៖ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ នៅថ្ងៃសុក្រ ទី២១ ខែកុម្ភៈ ឆ្នាំ២០២០ បានចេញប្រកាសព័ត៌មានថា បណ្តេញចេញជនបរទេស ជនជាតិចិនចំនួន ៩នាក់ ពាក់ព័ន្ធបទល្មើស បង្ករបួសស្នាមដោយចេតនា បទល្មើសសេដ្ឋកិច្ច និងបទល្មើសលួចស្នាក់នៅដោយខុសច្បាប់។
ដោយមានការចង្អុលដឹកនាំ និងគិតគូរយកចិត្តទុកដាក់ខ្ពស់ អំពីបញ្ហាសន្តិសុខ សណ្តាប់ធ្នាប់ របស់ជនបរទេសដែលកំពុងស្នាក់ នៅក្នុងព្រះរាជាណាចក្រកម្ពុជា ហើយប្រព្រឹត្តខុស លោក នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានអនុញ្ញាតឲ្យនាយកដ្ឋានស៊ើបអង្កេត និងអនុវត្តនីតិវិធី ធ្វើការបណ្តេញចេញជនបរទេស ជនជាតិចិនចំនួន ៩នាក់ ដោយចូល រួមសហការជាមួយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ នៃនាយកដ្ឋានច្រកទ្វារទី១ មានឈ្មោះដូចខាងក្រោម ៖ ១- ឈ្មោះ ZHAO YANG ២- ឈ្មោះ ZHANG QICHAO (MA JUNHUI) ៣- ឈ្មោះ MA JUNHUI ៤- ឈ្មោះ ZHANG JINGSHENG
៥- ឈ្មោះ WANG LIBING ៦- ឈ្មោះ HAN MO ៧- ឈ្មោះ MA GUO ៨- ឈ្មោះ LIU XIANGUO និង៩- ឈ្មោះ RUAN MINGBAO។
លោកឧត្តមសេនីយ៍ទោ វឌ្ឍន: មង្គល ប្រធាននាយកដ្ឋានស៊ើប អង្កេត និងអនុវត្តនីតិវិធី បានឲ្យដឹងថា ជនសង្ស័យខាងលើ ពាក់ព័ន្ធបទល្មើស បង្ករបួសស្នាមដោយចេតនា បទល្មើសសេដ្ឋកិច្ច និងបទល្មើសលួចស្នាក់នៅដោយខុសច្បាប់ ៕