ឆេះផ្ទះប្រជាពលរដ្ឋអស់ជាច្រើនខ្នង អមតាមអតីតផ្លូវរថភ្លើង
ភ្នំពេញ ៖ អគ្គីភ័យឆាប់ឆេះផ្ទះប្រជាពលរដ្ឋអស់ជាច្រើនខ្នងអមតាមអតីតផ្លូវរថភ្លើងស្ថិតក្នុងភូមិបាក់ទូកសង្កាត់ទួលសង្កែទី១ ខណ្ឌឬស្សីកែវនាម៉ោង៩និង២០នាទីថ្ងៃទី២៥ ខែកុម្ភៈឆ្នាំ២០២០ ។ បន្ទាប់ពីរថយន្តពន្លត់និងបង្ការអគ្គីភ័យប្រើប្រាស់ទឹកអស់ជាច្រើនគ្រឿងរួចមកធ្វើឲ្យអគ្គីភ័យបានរលត់វិញទាំងស្រុងក្នុងរយៈពេលប្រមាណជាង១ម៉ោងក្រោយមក។
បើតាមរបាយការណ៍បឋមស្តីពីករណីអគ្គីភ័យឆាបឆេះផ្ទះ គឺបណ្តាលអោយឆេះផ្ទះអស់ចំនួន១៥ខ្នងផ្ទះ និង៨០បន្ទប់ជួល ។ មូលហេតុបណ្តាលមកពីផ្ទុះកំប៉ុងហ្គាស ពេលកំពុងដាំសម្លរ ទើបបង្កជាអគ្គិភ័យឆាបឆេះបែបនេះ ។
ចំពោះអ្នកគ្រោះថ្នាក់ គឺមិនបណ្ដាលអោយមានមនុស្សស្លាប់ នឹងរបួសឡើយ។ ប្រើប្រាស់រថយន្តពន្លត់អគ្គីភ័យសរុប ៤៣/៤៣គ្រឿង។ អគ្គីភ័យខាងលើបានរលត់ទាំងស្រុងនៅវេលាម៉ោង ១០: ៣០នាទី ថ្ងៃដ៏ដែល។
តាមរបាយការណ៍របស់សមត្ថកិច្ចបានឲ្យដឹងថា ការឆាបឆេះនេះ បណ្តាលឲ្យឆេះផ្ទះអស់១៥ល្វែង ប្រហែល១៦០បន្ទប់ ស្មើនឹង១៦០គ្រួសារ និងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡើយ និងមិនមានអ្នករងរបួសនោះទេ ។
សូមរំលឹកថា កាលពីវេលាម៉ោង១និង៣០នាទីយប់រំលងអធ្រាត្រឈានចូលថ្ងៃទី៦ ខែមករា ឆ្នាំ២០២០ មានអគ្គិភ័យឆេះបំផ្លាញផ្ទះប្រជាពលរដ្ឋអមតាមផ្លូវរថភ្លើងសង់ពីឈើប្រក់ស័ង្កសី អស់ ១៥ល្វែង ប្រមាណជា១៦៥បន្ទប់ ស្មើ១៦៥គ្រួសារ ស្ថិតនៅតាមបណ្តោយផ្លូវរថភ្លើង ក្រុមទី០១ ភូមិសាមគ្គី សង្កាត់ទួលសង្កែទី១ ខណ្ឌឫស្សីកែវ ៕
