រាជរដ្ឋាភិបាលសម្រេចចេញមលិខិតផ្លូវការ ប្រាប់ឲ្យគ្រឹះស្ថានអង្គរ អនុត្តន៍ការបន្ថែមចំនួនថ្ងៃជូនភ្ញៀវទេសចរ
សៀមាប៖ដើម្បីអនុវត្តវិធានការសម្រួលនិងឆ្លើយតបចំពោះផលប៉ះពាល់ មកលើវិស័យទេសចរណ៍នៅក្នុងខេត្តសៀមរាបនៅថ្ងៃទី២៥ខែកុម្ភៈឆ្នាំ២០២០នេះ រាជរដ្ឋាភិបាលកម្ពុជាបានសម្រេចចេញលិខិតផ្លូវការមួយប្រាប់ឲ្យគ្រឹះស្ថានអង្គរ អនុត្តន៍ការបន្ថែមចំនួនថ្ងៃជូនភ្ញៀវទេសចរដែលទិញសំបុត្រចូលទស្សនាអង្គរ។
ក្នុងលិខិតរបស់ក្រសួងសេដ្ឋកិច្ច បានញ្ជាក់ថារាជរដ្ឋាភិបាលបានសម្រេច ពន្យារយៈពេលចូលទស្សនាតំបន់អង្គរសម្រាប់ភ្ញៀវទេសចរបរទេសតាមប្រភេទសំបុត្រដូចខាងក្រោម៖សំបុត្រសម្រាប់រយៈពេល១ថ្ងៃអាចចូលទស្សនាបានរយៈពេល២ថ្ងៃ។សំបុត្រសម្រាប់រយៈពេល៣ថ្ងៃអាចចូលទស្សនាបានរយៈពេល៥ថ្ងៃ។សំបុត្រសម្រាប់រយៈពេល៧ថ្ងៃអាចចូលទស្សនាបានរយៈពេល១០ថ្ងៃ។
ដោយការអនុវត្តន៍បន្ថែមចំនួនថ្ងៃជូនភ្ញៀវទេសចរនេះមានរយៈពេល៤ខែ ចាប់ពីថ្ងៃទី២៥ ខែកុម្ភៈឆ្នាំ២០២០តទៅ។
ចំណែកប័ណ្ណចូលទស្សនាតំបន់អង្គរគឺរក្សាតម្លៃនៅដដែលក្នុងនោះគឺ ប័ណ្ណចូលទស្សនា១ថ្ងៃតម្លៃ៣៧ដុល្លារ។បណ័្ណចូលទស្សនា៣ថ្ងៃមានតម្លៃ៦២ដុល្លារ និងបណ័្ណចូលទស្សនា៧ថ្ងៃមានតម្លៃ៧២ដុល្លារ៕
