ឃាត់ខ្លួនជនជាតិនីហ្សេរីយ៉ា ៤នាក់ ករណី ចាប់ជំរិតនៅប្រទេសវៀតណាម
ភ្នំពេញ៖ អគ្គស្នងការនគរបាលជាតិបានឲ្យដឹងថាកាលពីថ្ងៃទី០២ ខែមីនា ឆ្នាំ២០២០ វេលាម៉ោង១២និង២០នាទី កម្លាំងប៉ុស្តិ៍នគរបាលរដ្ឋបាលអូរបែកក្អម សហការជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃ និងមានការសម្របសម្រួលរបស់លោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ បានចបានចុះឆែកឆេរទីតាំងខុនដូឈ្មោះ មេហ្សុងរូប៊ី ដែលមានម្ចាស់ទីតាំងឈ្មោះ ឆេ ទយិន ភេទប្រុស អាយុ៥៥ឆ្នាំ ជនជាតិកូរ៉េ មុខរបរ បើកសាលារៀន ស្ថិតនៅផ្លូវ ឌួង ងៀប ក្រុមទី៤ ភូមិទ្រុងមាន់ សង្កាត់អូរបែកក្អម ខណ្ឌសែនសុខ។
សមត្ថកិច្ចមូលដ្ឋានបានឲ្យដឹងថា ក្នុងប្រតិបត្តិការនោះត្រួតពិនិត្យឆែកឆេរ បានឃាត់ខ្លួនជនជាតិនីហ្សេរីយ៉ា ចំនួន០៤នាក់ ពាក់ព័ន្ធករណី ចាប់ជំរិតនៅប្រទេសវៀតណាម។
សម្ភារដកហូតរួមមាន៖ លិខិតឆ្លងដែន៣ក្បាល, កុំព្យូទ័រយួរដៃ៤គ្រឿង, ទូរស័ព្ទដៃ០៨គ្រឿង, ស៊ីមកាតមួយចំនួន, ខ្សែលោហធាតុ ពណពណ៌លឿង១ខ្សែ, លុយរៀល១៥.០០០រៀល និងលុយដុល្លារ៥ដុល្លារ, កាបូបចំនួន២។
ជនសង្ស័យទាំង០៤នាក់ បញ្ជូនទៅនាយកដ្ឋាននគរបាលព្រហ្មទណ្ឌដើម្បីអនុវត្តនីតិវិធីបន្ត ៕