២ខែដើមឆ្នាំ២០២០ កម្ពុជា នាំចេញអង្ករ ទៅចិន ៣៦១០០តោន
ស្ថានទូតចិនប្រចាំកម្ពុជា នៅថ្ងៃទី៤ខែមីនានេះ បានឲ្យដឹងថា យោងតាមតួលេខនៃសហព័ន្ធស្រូវអង្ករកម្ពុជា បានឲ្យដឹងថា ក្រោយពីបញ្ចប់ដំណើរទស្សនកិច្ចរបស់សម្តេចតេជោ ហ៊ុន សែន ទៅកាន់ប្រទេសចិន ឃើញថាតួលេខនៃការទិញអង្ករកម្ពុជារបស់ប្រទេសចិនមានសន្ទុះកើនខ្លាំងគួរឲ្យកត់សម្គាល់។
ប្រភពដដែល បានបន្តថា ក្នុងរយៈពេល២ខែដើមឆ្នាំ២០២០ កម្ពុជាបាននាំចេញអង្ករសរុបចំនួន១៣៦៥០០តោន មានចំនួន២២%បើធៀបជាមួយនឹងរយៈដូចគ្នាក្នុងឆ្នាំ២០១៩។ ក្នុងនោះការនាំអង្ករចេញទៅកាន់ប្រទេសចិន មានចំនួនពី២៧១០០តោន រហូតដល់៣៦១០០តោន មានចំនួន៣៣%បើធៀបជាមួយនឹងរយៈដូចគ្នាក្នុងឆ្នាំ២០១៩៕ដោយ៖បញ្ញាស័ក្តិ