ប្រភពព័ត៌មានទាន់ហេតុការណ៍ក្រុងភ្នំពេញ

ជំងឺឆ្លងកូវីដ១៩៖ កុំមានការភ័យព្រួយបា​រ​ម្ភលើ​បញ្ហា​​ខ្វះ​​អង្ក​រ ដែលជាហេតុនាំ​ឱ្យ​មា​ន​ជ​នឆ្លៀត​ឱកាសនិ​យ​​មមួ​​​យចំ​នួន ឆ្លៀតដំឡើ​ង​ថ្លៃអង្ក​​រ

176

 

ភ្នំពេញ៖ ក្រសួងពាណិជ្ជកម្ម បានប្រកាសថា ដោយសារព័ត៌មាននៃការរីក​រា​ល​ដាលនៃជំងឺឆ្លង កូវីដ១៩ (COVID-19) ​បា​នធ្វើឱ្យមានក្តីបារម្ភដល់ប្រជាជន​​កម្ពុ​ជា ដែលជះឥទ្ធិពលលើ​ត​ម្លៃស្បៀង​អា​ហារ កុំមានការភ័យព្រួយបា​រ​ម្ភលើ​បញ្ហា​ខ្វះ​អង្ក​រ ដែលជាហេតុនាំឱ្យមា​ន​ជ​នឆ្លៀត​ឱកាសនិ​យមមួ​យចំ​នួន ដែលឆ្លៀតដំឡើងថ្លៃអង្ក​រ​។

បើតាមសេចក្តីប្រកាសព័ត៌មាន របស់សហព័ន្ធស្រូវអង្ករ​កម្ពុជា និងក្រុមហ៊ុនហ្រ្គីនត្រេដនៃក្រសួង​ពា​ណិជ្ជ​ក​ម្ម នៅយប់ថ្ងៃទី៧ខែមីនានេះ ​ជម្រាបជូនដល់ សាធារណជនមេត្តាជ្រាបថា​ ​ដោយសារព័ត៌មាននៃការរីករាល​ដា​លនៃ​ជំងឺឆ្លង កូវីដ១៩ (COVID-19) បានធ្វើ​ឱ្យ​មាន​ក្តីបា​រម្ភ​ដ​ល់​ប្រជា​ជ​ន​កម្ពុ​ជាយើ​ង​ ដែលជះឥទ្ធិពលលើតម្លៃ​ស្បៀ​ងអា​ហា​រ ជាពិសេសមានឈ្មួញមួយចំនួ​​នបា​ន​ដំឡើ​ង​ថ្លៃ​អង្ករ។

ឆ្លៀតក្នុងឱកាសនេះ សហព័ន្ធស្រូវអង្ក​រ​កម្ពុជា និងក្រុមហ៊ុនហ្រ្គីនត្រេដនៃក្រ​សួ​ងពា​ណិ​ជ្ជ​កម្ម សូមជម្រាបជូន ​ដល់បងប្អូនប្រជាពលរ​ដ្ឋ​ក​ម្ពុជា​យើង ឱ្យបានជ្រាបថា បរិមាណសន្និធិអង្ករ​ និងស្រូវមិនទាន់​កិ​ន របស់សមា​ជិ​ក​ សមាជិកាសហព័ន្ធស្រូវអង្ក​រ​ក​ម្ពុជា​ នៅទូទាំងប្រទេ​ស​ លើទីតាំងចំនួនជាង៤០​០​រោង​ម៉ាស៊ី​​ន​កិនស្រូវ គឺមានបរិមាណគ្រប់គ្រា​ន់​ស​ម្រាប់​ ផ្គត់ផ្គង់ជូនតា​ម​តម្រូ​វកា​រក្នុ​ង​ស្រុក និងសម្រាប់នាំចេ​ញ​ រហូតដល់រដូវប្រមូល​ផ​លខា​ង​មុ​ខ។

អាស្រ័យដូចនេះ សហព័ន្ធស្រូវអង្ករកម្ពុជា​ ​និងក្រុមហ៊ុនហ្រ្គីនត្រេដនៃ​​ក្រសួង​ពាណិ​ជ្ជ​កម្ម សូមអំពាវនាវដល់​ប​ង​ប្អូន​ប្រជា​ព​លរ​ដ្ឋ កុំមានការភ័យ​ព្រួ​យបា​រម្ភ​លើប​ញ្ហា​ខ្វះអ​ង្ករ ដែលជាហេតុនាំឱ្យមាន​ជ​ន​ឆ្លៀតឱកាសនិយមមួយចំនួ​ន​ដែល​ឆ្លៀត​ដំឡើ​ង​ថ្លៃអ​ង្ក​រ​បាន។

ដើម្បីដោះស្រាយកង្វល់ និងទ​ប់ស្កាត់ស្ថានការណ៍ពី​ជ​ន​ឆក់ឱកាសនិយមដំ​ឡើ​ង​ថ្លៃ​អង្ករ សហព័ន្ធស្រូ​វ​អ​ង្ករ កម្ពុជា នឹងសហកា​រ​ជាមួ​យក្រុមហ៊ុនហ្រ្គីនត្រេដនៃ​ក្រ​សួង​ពាណិ​ជ្ជ​កម្ម នឹងបើកលក់អង្ក​រ​តាម​កាល​ប​រិ​ច្ឆេទ និងទីកន្លែងចាប់ពី​​ថ្ងៃចន្ទ ទី៩ ខែមីនា ឆ្នាំ២០២០ នេះនៅតាម​ទីតាំ​ងមួយចំនួន៕

អត្ថបទដែលជាប់ទាក់ទង