ជនសង័្សយចំនួន០២នាក់គាស់ សោទ្វារផ្ទះប៉ុនប៉ងលួចយកទ្រព្យសម្បត្តិប្រជាពលរដ្ឋនៅក្រុងបាត់ដំបង ត្រូវបានឃាត់ខ្លួន
បាត់ដំបង៖កាលពីថ្ងៃ ព្រហស្បត្តិ ៤រោច ខែ ផល្គុន ឆ្នាំកុរឯកស័ក ព.ស.២៥៦៣ ត្រូវនឹងថ្ងៃទី ១២ ខែ មីនា ឆ្នាំ២០២០អនុវត្តតាមបទបញ្ជារបស់ លោកឧត្តមសេនីយ៍ទោអ៊ុចសុខុនស្នងការនៃស្នងការដ្ឋាននគរបាលខេត្តបាត់ដំបងនិងដោយបានការសម្របសម្រួលលើនីតិវិធីពីលោកគឺប៊ុណ្ណារ៉ា ព្រះរាជអាជ្ញារងអមសាលាដំបូងខេត្តបាត់ដំបងលោកឧត្តមសេនីយ៍ត្រីជេតវណ្ណនីស្នងការរងផែនការងារព្រហ្មទ័ណ្ឌនៃស្នងការដ្ឋាន បានដឹកនាំបញ្ជាកម្លាំងនគរបាលក្នុងផែនដែលមានលោកវរសេនីយ៍ទោឈឿងគឹមសុងនាយការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាន បាននដឹកនាំកម្លាំងក្រុមអន្តរាគមន៍បង្ការបង្ក្រាបចុះធ្វើការស្រាវជ្រាវរហូតឈានទៅធ្វើការឃាត់ខ្លួនជនសង័្សយចំនួន០២នាក់ ក្នុងករណី(គាស់សោទ្វារផ្ទះ)ប៉ុនប៉ងលួចទ្រព្យសម្បត្តិប្រជាពលរដ្ឋដែលមានទីលំនៅក្នុងភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនសង្ស័យចំនួន០២នាក់រួមមាន៖១–ឈ្មោះផុនវ៉ាន់និតភេទប្រុសអាយុ២៨ឆ្នាំមានទីលំនៅភូមិចំការឬស្សីសង្កាត់ព្រែកព្រះស្ដេចក្រុងបាត់ដំបងខេត្តបាត់ដំបង។២–ឈ្មោះជុំសុខឃឿនភេទប្រុសអាយុ១៩ឆ្នាំមានទីលំនៅភូមិចំការឬស្សីសង្កាត់ព្រែកព្រះស្ដេចក្រុងបាត់ដំបងខេត្តបាត់ដំបង។
សម្ភារៈវត្ថុតាងដកហូតរួមមាន៖ម៉ូតូម៉ាកហុងដាឌ្រីមសេ១២៥ពណ៌ខ្មៅចំនួន0១គ្រឿងកាំភ្លើងជ័រពណ៌ខ្មៅចំនួន០១ដើមទូរស័ព្ទដៃចំនួន០២គ្រឿងកាបូបលុយពណ៌ខ្មៅចំនួន០១កាំបិតផ្លែឡាមពណ៌ក្រហមចំនួន០១ដើមមួកសុវត្ថិភាពចំនួន០២។
បច្ចុប្បន្នជនសង្ស័យកំពុងធ្វើការស្រាវជ្រាវនិងរៀបចំសំណុំរឿងបញ្ជូនទៅសាលាដំបូងខេត្តបាត់ដំបងដេីម្បីអនុវត្តតាមនិតិវីធី៕