អភិបាលខេត្តព្រះសីហនុ ចុះជួយសំរួលចរាចរណ៍ និងហៅឡានពេទ្យជួយសង្គ្រោះមនុស្ស បែរជាមាន ការផ្សាយព័ត៌មានមិនពិត
ភ្នំពេញ៖ ក្នុងដំណេីរត្រឡប់មកពីចូលរួមបុណ្យទន្លេនៅខេត្តបាត់ដំបងវិញ កាលពីវេលាម៉ោង ០៧និង៥០នាទីព្រឹក ថ្ងៃទី១៥ ខែមីនា ឆ្នាំ២០២០ លោក គួច ចំរេីន អភិបាលខេត្តព្រះសីហនុ បានចុះជួយសំរួលចរាចរណ៍ និងហៅឡានពេទ្យបង្អែកស្រុកបាកាន ខេត្តពោធិ៍សាត់
ដើម្បី ដឹកអ្នកអ្នករបួស ខណៈមានហេតុការណ៍
គ្រោះថ្នាក់ចរាចរណ៍លេីកំណាត់ផ្លូវជាតិលេខ៥ រវាងឡានតូរីស និងឡានដឹកដី នៅភូមិអូរតាប៉ោង ឃុំអូរតាប៉ោង ស្រុកបាកាន ខេត្តពោធិ៍សាត់ បណ្តាលអោយរថយន្តក្រឡាប់ផ្ងាជើងនិងបណ្តាលអោយមានមនុស្សរងរបួសនោះ។
ក្រោយពីកើតមាននៅហេតុការណ៍គ្រោះថ្នាក់នេះ បានធ្វើអោយប្រព័ន្ធផ្សព្វផ្សាយសង្គមមួយចំនួន យកមកផ្សព្វផ្សាយខុសពីការពិតទាំងស្រុង ។ទន្ទឹងនឹងផ្សព្វផ្សាយគ្មានការពិតនេះ បានធ្វើអោយប្រព័ន្ធសង្គមហ្វេសបុក “ប្រជាជន ខេត្តព្រះសីហនុ “ប្រតិកម្ម ដោយបានសរសេរថា”សូមបដិសេធព័ត៌មានខាងក្រោមនេះ និងសូមបញ្ឈប់ការផ្សាយព័ត៌មានមិនពិត ។ បណ្ដាញសង្គម ដែលគ្មានប្រភពច្បាស់លាស់សូមបញ្ឈប់ការផ្សាយរបស់ខ្លួនជាបន្ទាន់ ។
សូមបញ្ជាក់ជូនថា ៖ ក្នុងដំណេីរត្រឡប់ពីបុណ្យទន្លេនៅខេត្តបាត់ដំបងវិញ ឯកឧត្តម គួច ចំរេីន អភិបាលខេត្តព្រះសីហនុ បានចុះជួយសំរួលចរាចរណ៍ និងហៅឡានពេទ្យបង្អែកស្រុកបាកាន ខេត្តពោធិ៍សាត់ ដឹកអ្នកអ្នករបួសដោយគ្រោះថ្នាក់ចរាចរណ៍លេីកំណាត់ផ្លូវជាតិលេខ៥ រវាងឡានតូរីស និងឡានដឹកដី នៅភូមិអូរតាប៉ោង ឃុំអូរតាប៉ោង ស្រុកបាកាន ខេត្តពោធិ៍សាត់ វេលាម៉ោង ០៧:៥០នាទីព្រឹក ថ្ងៃទី១៥ ខែមីនា ឆ្នាំ២០២០៕