ក្រសួងពាណិជ្ជកម្ម ថា បើពុំមានការចាំបាច់ ធ្វើការតាមអនឡាញ និងផ្អាកការទទួលជួបភ្ញៀវបរទេស និងភ្ញៀវនានា
ភ្នំពេញ៖ នៅថ្ងៃទី១៧ខែមីនានេះ ក្រសួងពាណិជ្ជកម្ម បានចេញសេចក្តីណែនាំ ស្តីពីការអនុវត្តវិធានការបង្ការ និងទប់ស្កាត់ការរាតត្បាតនៃជំងឺកូវីដ ១៩ នៅក្នុងទីស្តីការក្រសួងរបស់ខ្លួន។
ក្រសួងពាណិជ្ជកម្ម បានអះអាងថា ផ្អាកការធ្វើដំណើរទៅចូលរួមកិច្ចប្រជុំ សិក្ខាសាលា ឬវគ្គបណ្តុះបណ្តាលនានានៅក្រៅប្រទេស ជាពិសេសគឺការធ្វើដំណើរទៅកាន់បណ្តាប្រទេសនៅអឺរ៉ុប សហរដ្ឋអាមេរិក និងអ៊ីរ៉ង់ លើកលែងតែមានការអនុញ្ញាតពិសេស ឬចាំបាច់បំផុតណាមួយដោយខានពុំបាន។ ផ្អាកការទទួលជួបភ្ញៀវបរទេស និងភ្ញៀវនានា។ បើពុំមានការចាំបាច់ ថ្នាក់ដឹកនាំអគ្គនាយកដ្ឋាន នាយកដ្ឋាន អង្គភាពនានា អាចអនុញ្ញាតឲ្យមន្ត្រីរបស់ខ្លួនបំពេញការងារនៅផ្ទះ តាមប្រពន្ធអនឡាញ ។ចំពោះមន្ត្រីរាជការដែលត្រឡប់មកពីបំពេញការងារនៅក្រៅប្រទេស ដូចជា អឺរ៉ុប អាមេរិក អ៊ីរ៉ង់ ត្រូវដាក់ខ្លួនឲ្យនៅដាច់ដោយឡែកក្នុងរយៈពេល១៤ថ្ងៃ៕
