លោកអភិបាលខណ្ឌបឹងកេងកង ថ្លែងអំណរអរគុណដល់សប្បុរសជន ជួយឧបត្ថម្ភអាកុល១០កាន ដល់សាលាខណ្ឌទុកប្រើប្រាស់
ភ្នំពេញ៖កាលពីព្រឹកថ្ងៃទី២៣ ខែមីនា ឆ្នាំ២០២០នេះរដ្ឋបាលខណ្ឌបឹងកេងកង សូមថ្លែងអំណរអរគុណយ៉ាងជ្រាលជ្រៅនូវទឹកចិត្ដដ៏ធំធេងរបស់លោក វេជ្ជៈបណ្ឌិត សោម វិរៈ បម្រើការនៅមន្ទីពេទ្យមិត្ដភាពខ្មែរសូវៀត (ពេទ្យរុស្សី)ដែលបានជួយឧបត្ថម្ភអាល់កុល សុទ្ធចំនួន10កាន ដល់សាលាខណ្ឌបឹងកេងកងនៃរាជធានីភ្នំពេញ ដើម្បីយកមកប្រើប្រាស់ការពារនៅជំងឺផ្លូវដង្ហើមថ្មីឬហៅថាជំងឺកូវីដ-19 (Covid-19) ដែលកំពុងរីករាលដាលជាសាកល បើទោះបីជាជម្ងឺនេះនៅមានសភាពឆ្លងលឿនក៏ ប៉ុន្ដែយើងក៏អាចការពារបាន ដោយការធ្វើអនាម័យអោយបានត្រឹមត្រូវយ៉ាងទៀងទាត់តាមការណែនាំរបស់ក្រសួងសុខាភិបាលផងដែរ ។ហើយក្នុងនោះរដ្ឋបាលខណ្ឌបឹងកេងកងក៏សូមលើកទឹកចិត្ដដល់បងប្អូនកុំមានភាពភ័យខ្លាចស្លន់ស្លោរចំពោះជំងឺមួយនេះ ដោយសូមចូលរួមប្រយុទ្ធប្រឆាំងតាមរយះការថែរក្សាអនាម័យអោយបានខ្ជាប់ខ្ជួន ត្រូវមានកូនដបអាល់កុលតូចៗ ឬជែល ដើម្បីដាក់តាមខ្លួនឬតាមរថយន្តនៅគ្រប់ពេលចេញក្រៅ ឬប៉ះពាល់វត្ថុផ្សេងៗនៅតាមសាធារណៈ ឬទីប្រជុំជនដែលមានមនុស្សម្នាច្រើន នាក់។
ជាមួយគ្នានេះដែរលោកឯក និមល ប្រធានផ្សារបឹងកេងកង និង លោកចំរើន សុខលីម ប្រធានផ្សារទួលទំពូង គាត់ក៏បានថ្លែងអំណរ អរគុណយ៉ាងជ្រាលជ្រៅដល់លោកធឹម សំអាន អភិបាលខណ្ឌបឹងកេងកងផងដែរដែលបានជួយឧបត្ថម្ភបន្តនូវអាកុលក្នុងផ្សារនិមួយៗចំនួន២កានដើម្បីទុកប្រើប្រាស់ការពារនៅជម្ងីផ្លូវដង្ហើមថ្មីឬហៅថាជម្ងឺកូវីដ_១៩៕
