លោកអភិបាលខណ្ឌចំការមន ថ្លែងអំណរអរគុណដល់សប្បុរសជន ជួយឧបត្ថម្ភម៉ាសក្រម៉ាចំនួន៣០០ដល់ សាលាខណ្ឌទុកប្រើប្រាស់បង្ការទប់ស្កាតមេរោគកូវីដ១៩
ភ្នំពេញ៖កាលពីព្រឹកថ្ងៃទី២៨ខែមីនា ឆ្នាំ២០២០នេះរដ្ឋបាលខណ្ឌចំការមនសូមថ្លែងអំណរអរគុណយ៉ាងជ្រាលជ្រៅនូវទឹកចិត្ដដ៏ធំធេងរបស់លោកតាំង សុភាវុធដែលបានជួយឧបត្ថម្ភម៉ាសក្រម៉ាចំនួន៣០០ដល់សាលាខណ្ឌចំការមនរាជធានីភ្នំពេញ ដើម្បីយកមកប្រើប្រាស់ការពារនៅជំងឺផ្លូវដង្ហើមថ្មីឬហៅថាជំងឺកូវីដ-19 (Covid-19) ដែលកំពុងរីករាលដាលជាសាកល បើទោះបីជាជម្ងឺនេះនៅមានសភាពឆ្លងលឿនក៏ ប៉ុន្ដែយើងក៏អាចការពារទប់ស្កាត់បាន ដោយការធ្វើអនាម័យអោយបានត្រឹមត្រូវយ៉ាងទៀងទាត់តាមការណែនាំរបស់ក្រសួងសុខាភិបាលផងដែរ ។ហើយក្នុងនោះរដ្ឋបាលខណ្ឌចំការមនក៏បានលើកទឹកចិត្ដដល់បងប្អូនកុំមានភាពភ័យខ្លាចស្លន់ស្លោរចំពោះជំងឺមួយនេះ ដោយសូមចូលរួមប្រយុទ្ធប្រឆាំងតាមរយះការថែរក្សាអនាម័យអោយបានខ្ជាប់ខ្ជួន ត្រូវមានកូនដបអាល់កុលតូចៗ ឬជែល ដើម្បីដាក់តាមខ្លួនឬតាមរថយន្តឬកន្លែងបម្រើការងារនៅគ្រប់ពេលចេញក្រៅ ឬប៉ះពាល់វត្ថុផ្សេងៗនៅតាមសាធារណៈ ឬទីប្រជុំជនដែលមានមនុស្សម្នាច្រើន នាក់។ដូចនេះយើងរួមគ្នាប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕