ខណ្ឌបឹងកេងកង! បើកកិច្ចប្រជុំក្រុមប្រឹក្សាខណ្ឌលើកទី១០ លើកយករបៀបវារៈ៤មកពិនិត្យនិងអនុម័ត
ភ្នំពេញ៖នៅសាលាខណ្ឌបឹងកេងកងកាលពីព្រឹកថ្ងៃទី៣១ ខែមីនា ឆ្នាំ២០២០នេះរដ្ឋបាលខណ្ឌបឹងកេងកង បានបើកកិច្ចប្រជុំសាមញ្ញ លើកទី១០ អាណត្ដិទី៣ របស់ក្រុមប្រឹក្សាខណ្ឌបឹងកេងកង រាជធានីភ្នំពេញ។
ពិធីនេះប្រព្រឹត្តឡើងក្រោមអធិបតីភាព លោក គឹម ឈុនអ៊ូ ប្រធានក្រុមប្រឹក្សាខណ្ឌបឹងកេងកង និង
លោក ធឹម សំអាន អភិបាល នៃគណៈអភិបាលខណ្ឌបឹងកេងកង ហើយដោយមានការចូលរួមពី សំណាក់ឯកឧត្តម សេង រតនៈ សមាជិកក្រុមប្រឹក្សារាជធានីភ្នំពេញ និងសមាជិក-សមាជិកាក្រុមប្រឹក្សាខណ្ឌ លោក-លោកស្រីអភិបាលរង នាយករដ្ឋបាលខណ្ឌ ការិយាល័យចំណុះ-ជំនាញជុំវិញខណ្ឌ ចៅសង្កាត់ទាំង០៧ និងមន្ដ្រីពាក់ពន្ធ័ សរុបចំនួន ៣៥នាក់។
កិច្ចប្រជុំលើកនេះដោយផ្ដោតសំខាន់ទៅលើរបៀបវារៈចំនួន៤ដោយយកមកពិភាក្សាដោយពិនិត្យនិងអនុម័តរួមមាន៖១ .ពិនិត្យ និងអនុម័តសេចក្ដីព្រាងស្ដីពី កំណត់ហេតុអង្គប្រជុំសាមញ្ញលើកទី០៩ អាណត្ដិទី៣ របស់ក្រុមប្រឹក្សាខណ្ឌបឹងកេងកង។
២ .ពិនិត្យ និងអនុម័តសេចក្ដីព្រាង របាយការណ៍ប្រចាំត្រីមាសទី១ និងទិសដៅការងារខែមេសាឆ្នាំ២០២០។
៣. ការពិនិត្យ និងអនុម័តដីកាស្តីពីការកំណត់តម្លៃសេវារដ្ឋបាល របស់រដ្ឋបាលខណ្ឌបឹងកេងកង ។
៤.ការពិនិត្យ និងអនុម័តសេចក្តីប្រកាស ស្តីពីការទទួលស្គាល់សមាសភាពប្រធានការិយាល័យប្រជាពលរដ្ឋ ៕
