ប្រធានមន្ទីរសាធារណការ ខេត្តព្រះវិហារចូលរួមចំណែកជាមួយរាជរដ្ឋាភិបាលកម្ពុជា ដោយផ្តល់ជូននូវថវិកាបៀវត្សចំនួន ៥០ម៉ឺនរៀលក្នុង១ខែ រយៈពេល ៦ខែ
ខេត្តព្រះវិហារ៖ ប្រធានមន្ទីរសាធារណការនិងដឹកជញ្ជូនខេត្តព្រះវិហារ នៅថ្ងៃទី០៤ មេសា ២០២០នេះបានចូលរួមចំណែកដោយស្ម័គ្រចិត្តជាមួយរាជរដ្ឋាភិបាលកម្ពុជា ដោយផ្តល់ជូននូវថវិកាបៀវត្សចំនួន ៥០០,០០០រៀលក្នុង១ខែ រយៈពេល ៦ខែចាប់ពីខែឧសភា ដល់ខែតុលា ឆ្នាំ២០២០ ដើម្បីប្រយុទ្ធប្រឆាំងនឹងការរាតត្បាតនៃជំងឺ COVID-19។ សូមជម្រាបថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចបរិច្ចាគប្រាក់បៀវត្សរបស់សម្តេចចំនួន៧ខែ ជូនដល់គណៈកម្មការជាតិ ប្រយុទ្ធនឹងជំងឺកូវីដ១៩។ ប្រាក់ខែរបស់ សម្តេចតេជោដែលបរិច្ចាគនេះ គឺរាប់ចាប់ពីខែមីនា រហូតដល់ខែកញ្ញា ឆ្នាំ២០២០។
ក្រៅសម្តេចតេជោហ៊ុន សែន បរិច្ចាកប្រាក់បៀវត្សរបស់សម្តេចចំនួន៧ខែ ជូនដល់គណៈកម្មការជាតិប្រយុទ្ធនឹងជំងឺកូវីដ១៩ហើយនោះ ឧបនាយករដ្ឋមន្ត្រីនិងរដ្ឋមន្ត្រីមួយចំនួនទៀតក៏បានបរិច្ចាគប្រាក់បៀវត្សចំនួន៧ខែ ជូនដល់គណៈកម្មការជាតិប្រយុទ្ធនឹងជំងឺកូវីដ១៩នេះផងដែរ។
គួរបញ្ជាក់ផងដែរថា នាយករដ្ឋមន្ត្រីនៃកម្ពុជា មានប្រាក់ខែ ប្រមាណ១០លានរៀលក្នុង១ខែ ។ចំណែក ប្រាក់ខែឧបនាយករដ្ឋមន្ត្រីមាន៨លានរៀល, ប្រាក់ខែទេសរដ្ឋមន្ត្រីចំនួន៦លានរៀល និងរដ្ឋមន្ត្រីមានប្រមាណ៥លានរៀលក្នុង១ខែ ៕