គម្រោងនៃការចេញទៅហាត់នៅក្រៅប្រទេសទាំងអស់ត្រូវលុបចោល
ភ្នំពេញ៖ក្នុងខណៈដែលរោគកូវីដ-១៩នៅតែបន្តញាំញីពិភពលោកនោះសម្រាប់កម្ពុជារាល់ការចេញទៅហ្វឹកហាត់នៅក្រៅប្រទេស
ទាំងអស់ត្រូវបានលុបចោលតែម្ដង ។
អគ្គលេខាធិការគណៈកម្មាធិការជារិអូឡាំពិកកម្ពុជា និង ជាអគ្គលេខាធិការគណៈកម្មាធិការជាតិរៀបចំស៊ីហ្គេមឆ្នាំ២០២៣(Camsoc)
លោកវ៉ាត់ ចំរើនមានប្រសាសន៍ថាប្រសិនបើយើងនៅតែរឹងទទឹងបញ្ជូនទៅហាត់នៅក្រៅប្រទេសនោះក៏គេបិទទ្វារមិនឲ្យយើងចូលដែរព្រោះ
ពេលនេះរោគផ្លូវដង្ហើមប្រភេទថ្មីនេះនៅមិនទាន់បញ្ឈប់ការរាតត្បាតពិភពលោកនៅឡើយទេ ។
សម្រាប់ប្រភេទកីឡាកាយសម្ព័ន្ធលោកណយ ផាណាមានគម្រោងបញ្ជូនកីឡាករវ័យក្មេងទៅហាត់នៅប្រទេសចិន និង ប្រទេស
ជប៉ុនតែពេលនេះពួកគេត្រូវហ្វឹកហាត់នៅតាមផ្ទះរៀងៗខ្លួនទៅតាមកម្មវិធីដែលលោកបញ្ជូនទៅឲ្យបើយើងមិនឲ្យពួកគេហ្វឹកហាត់ទេនោះពួក
គេនឹងបាត់បង់នូវគុណផល(Performance)របស់ខ្លួនជាមិនខាន ។
លោកវ៉ាត់ ចំរើនបញ្ជាក់បន្តថាយើងលុបចោលរាល់ការចេញទៅហាត់នៅក្រៅប្រទេសមែនតែយើងបានប្រាប់ទៅសហព័ន្ធជាតិ
នីមួយៗដោយឲ្យគ្រូបង្វឹ្កក គ្រូជំនួយផ្ដល់កម្មវិធីហ្វឹកហាត់ដល់ពួកគេដោយគ្រូបន្តតាមដាននូវការហ្វឹកហាត់ទាំងនោះឲ្យបានហ្មត់ចត់ ។ពួកគេ
បើចង់រក្សាបាននូវគុណផលកីឡារបស់ខ្លួនគេត្រូវតែហ្វឹកហាត់ដោយស្មោះត្រង់ ។
លោកនាយឧត្តមសេនីយ៍គៀត ច័ន្ទថារិទ្ធប្រធានសហព័ន្ធកីឡាវាយកូនឃ្លីលើតុកម្ពុជាដែលមានគម្រោងបញ្ជូនកីឡាករ កីឡាការិនី
របស់ខ្លួនទៅហាត់នៅប្រទេសចិន ជប៉ុន និងកូរេនោះក៏សម្ដែងនូវការខកចិត្តយ៉ាងខ្លាំដែរ ។លោកស៊ុន សុទ្ធារិទ្ធដែលជាអគ្គលេខាធិការនៃ
សហព័ន្ធនេះមានប្រសាសន៍ថាយើងនឹងឆ្លៀតប្រើពេលវេលាហ្វឹកហាត់ក្រៅការជួបជុំគ្នាច្រើនដើម្បីកុំឲ្យគុណផលកីឡាស្រុតចុះខ្លាំងពេក ។
សហព័ន្ធកីឡាតេក្វាន់ដូ I.T F (International Taekwondo Federation)កម្ពុជាដែលមានគម្រោងបញ្ជូនកីឡាករ កីឡាការិនីរបស់ខ្លួនទៅ
ចូលរួមប្រកួតក្នុងព្រឹត្តិការនានានៅក្រៅប្រទេសនោះក៏មានការខកចិត្តដែរដោយសារប្រទេសជាម្ចាស់ផ្ទះបានលុបចោល ឬ លើកពេលនៃការ
ប្រកួត ។
លោកអគ្គលេខាធិការគណៈកម្មាធិការជាតិអូឡាំពិកកម្ពុជាទទួលស្គាល់ថាគ្មានអ្វីដែលជាជម្រើសល្អជាងការហ្វឹកហាត់ដោយខ្លួន
ឯងឲ្យបានខ្លាំងនោះទេ ។តំណាក់កាលនេះមានតែការហ្វឹកហាត់ដោយស្មោះត្រង់តាមកម្មវិធីដែលគ្រូបង្វឹក គ្រូជំនួយដាក់ឲ្យតែប៉ុណ្ណោះ ៕