ក្រុមការងារមូលនិធិក្មេងល្អCPP យកអំណោយចែក ប្រជាជន២០០គ្រួសារ អ្នកប្រកបមុខរបររើសអេតចាយនៅខណ្ឌដង្កោ
ភ្នំពេញ៖លោកឯក និមល ប្រធានផ្សារបឹងកេងកងនិងជាក្រុមការងារមូលនិធីក្មេងល្អCPPបានមានមតិលើកឡើងដោយសង្កត់ធ្ងន់ថាប្រទេសកម្ពុជាតូចមែន តែបេះដូងនៃវប្បធម៌ចែករំលែក និងមនុស្សធម៌ មិនតូចនោះទេ ! ! ! ។
លោកឯក និមល ប្រធានផ្សារបឹងកេងកងនិងជាក្រុមការងារមូលនិធិក្មេងល្អCPPមានមតិលើកឡើងបែបនេះខណៈពេលចុះចែកអំណោយជាមួយក្រុមការងារជូនដល់បងប្អូនប្រជាជនទីទ័លក្រប្រមាណ២០០គ្រួសារដែលពួកគាត់ប្រកបមុខរបររើសអេតចាយកាលពីព្រឹកថ្ងៃទី០៥ខែ មេសា ឆ្នាំ២០២០នេះ។ហើយខណៈពេលនោះក្រុមការងារ មូលនិធិក្មេងល្អCPP បាននាំយកអំណោយសមាជិក សមាជិការក្រុម និងសប្បុរសជន ទៅចែកជូនបងប្អូនអ្នកប្រកបរបររេីសអេតចាយ នៅទីលានចាក់សំរាម ខណ្ឌដង្កោរាជធានីភ្នំពេញ ចំនួន200គ្រួសារ ។ លោកបានអោយដឹងទៀតថាក្នុងឱកាសនេះដែរក្រុមការងារ បានមានមតិដោយធ្វើការណែនាំទៅដល់ បងប្អូនប្រជាជនដែលប្រកបមុខរបររើសអេតចាយទាំងអស់ ត្រូវនាំគ្នារក្សាអនាម័យ ខ្លួនប្រាណ ស្អាតល្អជាប្រចាំពោលគឺត្រូវ លាងដៃ ជាមួយ សាប៊ូ ,អាល់កុល ឬជែល ពាក់ស្រោមដៃ ពាក់ម៉ាស អោយបានញឹកញាប់ ដោយរស់នៅស្អាត ទទួលទានស្អាតដោយហាមប៉ះពាល់មុខ ក្នុងករណី ក្តៅខ្លួន ក្អក ផ្តាសាយរយៈពេលយូ ត្រូវ ទៅមណ្ឌលសុខភាពដែលនៅជិតបំផុត ។ ហើយជំនួសមុខអោយក្រុមការងារមូលនិធិក្មេងល្អCPP សូមជូនពរ ឯកឧត្តម លោកជំទាវ លោក លោកស្រី ជាសប្បុរសជនទាំងអស់ !សូមជូបប្រទះតែសេចក្ដីសុខ សុភមង្គល សុខភាពល្អ សំណាងល្អ និងជៀសផុតពីគ្រោះចង្រៃទាំងពួងផងដែរ៕