អភិបាលខណ្ឌចំការមន៖ថ្លែងអំណរអរគុណដល់ក្រុមហ៊ុនស្រាបៀរហ្គេនបឺតឧបត្ថម្ភម៉ាសុីនបាញ់ថ្នាំសម្លាប់មេរោគ១០គ្រឿងសាលាខណ្ឌទុកប្រើប្រាស់បង្ការទប់ស្កាតមេរោគកូវីដ១៩
ភ្នំពេញ៖កាលពីរសៀលថ្ងៃទី០៧ខែមេសាឆ្នាំ២០២០នេះរដ្ឋបាលខណ្ឌចំការមននៃរាជធានីភ្នំពេញសូមថ្លែងអំណរអរគុណយ៉ាងជ្រាលជ្រៅនូវទឹកចិត្ដដ៏ធំធេងរបស់ក្រុមហ៊ុនស្រាបៀរហ្គេនបឺតដែលបានជួយឧបត្ថម្ភនូវម៉ាសុីនបាញ់ថ្នាំសម្លាប់មេរោគចំនួន១០គ្រឿងមកដល់សាលាខណ្ឌចំការមនរាជធានីភ្នំពេញ ដើម្បីយកមកប្រើប្រាស់ការពារនៅជំងឺផ្លូវដង្ហើមថ្មីឬហៅថាជំងឺកូវីដ-19 (Covid-19) ដែលកំពុងរីករាលដាលជាសាកល បើទោះបីជាជម្ងឺនេះនៅមានសភាពឆ្លងលឿនក៏ ប៉ុន្ដែយើងក៏អាចការពារទប់ស្កាត់បាន ដោយការធ្វើអនាម័យអោយបានត្រឹមត្រូវយ៉ាងទៀងទាត់តាមការណែនាំរបស់ក្រសួងសុខាភិបាលផងដែរ ។ហើយក្នុងនោះរដ្ឋបាលខណ្ឌចំការមនក៏បានលើកទឹកចិត្ដដល់បងប្អូនកុំមានភាពភ័យខ្លាចស្លន់ស្លោរចំពោះជំងឺមួយនេះ ដោយសូមចូលរួមប្រយុទ្ធប្រឆាំងតាមរយះការថែរក្សាអនាម័យអោយបានខ្ជាប់ខ្ជួន ត្រូវមានកូនដបអាល់កុលតូចៗ ឬជែល ដើម្បីដាក់តាមខ្លួនឬតាមរថយន្តឬកន្លែងបម្រើការងារនៅគ្រប់ពេលចេញក្រៅ ឬប៉ះពាល់វត្ថុផ្សេងៗនៅតាមសាធារណៈ ឬទីប្រជុំជនដែលមានមនុស្សម្នាច្រើននាក់។ដូចនេះយើងរួមគ្នាប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕