ប្រព្រឹត្តបទល្មើសឃាតកម្ម រត់គេចខ្លួន ៨ឆ្នាំ ត្រឡប់ចូលស្រុកវិញ ត្រូវប៉ូលិសចាប់ខ្លួន
តាកែវ៖ បុរសម្នាក់ជាប់ចោតពីបទ ឃាតកម្ម កាលពីឆ្នាំ២០១២ ដែលប្រព្រឹត្តនៅឃុំដូង ស្រុកបាទី ខេត្តតាកែវ ត្រូវបានសមត្ថកិច្ចឃាត់ខ្លួនភ្លាមៗ ក្រោយឃើញវិលត្រឡប់ ចូលមកស្រុកកំណើតវិញ ក្រោយរត់គេចខ្លួនបានជិត៨ឆ្នាំ នាព្រឹកថ្ងៃទី ៨ ខែមេសា ឆ្នាំ២០២០នេះ ។
លោក ង៉ាន់ សារី អធិការស្រុកបាទី បានឲ្យដឹងថា កម្លាំងជំនាញនៃអធិការដ្ឋាននគរបាលស្រុកបាទី បានចុះអនុវត្តដីកាបង្គាប់ ឱ្យចាប់ខ្លួន លេខ១៩ ចុះថ្ងៃទី២៩ ខែមករា ឆ្នាំ ២០១៣ របស់សាលាដំបូងខេត្តតាកែវ ចាប់ខ្លួនជនជាប់ចោទឈ្មោះ ជ្រិន សេងហួយ ភេទប្រុស អាយុ២០ឆ្នាំ រស់នៅភូមិស្វាយខម ឃុំដូង ស្រុកបាទី ខេត្តតាកែវ ពីបទ៖”ឃាតកម្ម” ដែល ប្រព្រឹត្តនៅភូមិស្វាយខម ឃុំដូង ស្រុកបាទី កាលពីថ្ងៃទី១២ ខែតុលា ឆ្នាំ២០១២ ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចកំពុង កសាងសំណុំរឿង បញ្ជូនទៅតុលាការ ហើយនៅរសៀលថ្ងៃទី៨ខែមេសានេះ ៕