ប្រជាជនទីទ័លក្រចំនួន៧០គ្រួសារ នៅសង្កាត់ព្រែកថ្មី បានទទួលអំណោយសម្ដេចព្រះពោធិវ័ង្ស អំ លឹមហេងជាលើកទី២តាមរយះអាជ្ញាធរ
ភ្នំពេញ ៖ អាជ្ញាធរបានលើកឡើងថាយើងរួមគ្នាបង្ការទប់ស្កាត់ការពារមេរោគ COVID-19 ចំពោះការលើកឡើងបែបនេះខណៈពេលចុះចែកអំណោយជូនប្រជាជនទីទ័លក្រកាលពីព្រឹកថ្ងៃទី០៨ខែមេសា ឆ្នាំ២០២០ នេះនៅបរិវេណវត្តមុនីសុវណ្ណហៅវត្តចំពុះក្អែកក្នុងមូលដ្ឋានសង្កាត់ព្រែកថ្មីខណ្ឌច្បារអំពៅរាជធានីភ្នំពេញសម្តេចព្រះពោធិវ័ង្ស អំ លឹមហេង និង លោក ចេង មុនីរ៉ា អភិបាលខណ្ឌច្បារអំពៅនិងលោក លីវ វណ្ណថេង ចៅសង្កាត់ព្រែកថ្មី ព្រមទាំងមន្ត្រីក្រោមឱវាទ សាលាខណ្ឌ សាលាសង្កាត់ព្រែកថ្មីជាច្រើនរូបបាននាំយកអំណោយរបស់សម្តេចព្រះពោធិវ័ង្ស អំលឹមហេង ព្រះសង្ឃនាយករងទី១ នៃព្រះរាជាណាចក្រកម្ពុជា និងជាព្រះចៅអធិការវត្តមុនីសុវណ្ណ ហៅវត្តចំពុះក្អែក ទៅចែកជូនផ្តល់ជូនដល់ដៃបងប្អូនប្រជាជនទីទ័លក្រប្រមាណចំនួន៧០គ្រួសារដែលរស់ នៅសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
មានមតិជួបសំណេះសំណាល ជាមួយបងប្អូនប្រជាជននាឱកាសនោះ លោក ចេង មុនីរ៉ា អភិបាលខណ្ឌច្បារអំពៅបានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងសម្ដេចកិត្តិព្រឹទ្ធបណ្ឌិត ជូនដល់បងប្អូនប្រជាជនដែលជួបប្រទះនូវជីវភាពខ្វះខាត ជួបការលំបាក ទាំងអស់ ហើយជានិច្ចកាល ទីណាមានការលំបាក ទីនោះ តែងមានសម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត តែងតែចុះជួយបង ប្អូនជាប់ជានិច្ចដោយ មិនទុកឲ្យបងប្អូនណាម្នាក់រង គ្រោះ គ្មានអាហារបរិភោគឡើយ ។ លោកអភិបាល ខណ្ឌច្បារអំពៅក៏បានលើកឡើងអំពីការ អភិវឌ្ឍន៍រីកចម្រើនឥតឈប់ឈរពីថ្នាក់ជាតិដល់ថ្នាក់មូលដ្ឋានដោយពីមួយថ្ងៃទៅមួយថ្ងៃ ក្រោមការដឹកនាំ ប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា។
នាឱកាសនោះដែរ លោកអភិបាលខណ្ឌ ច្បារអំពៅចេង មុនីរ៉ាក៏បានណែនាំដល់ប្រជសជនថា បើបងប្អូនប្រជាជនណាមិនមានការចាំបាច់ទេ គួរគម្បីកុំធ្វើដំណើរចេញពីផ្ទះអោយសោះ ហើយត្រូវស្តាប់ការចាក់ផ្សព្វផ្សាយតាមឧគ្ឃោសនស័ព្ទឬតាមមេក្រូនៅភូមិ សង្កាត់នាសព្វថ្ងៃនេះតាមការណែនាំរបស់ក្រសួងសុខាភិបាល ដែលឱ្យយើងចេះថែទាំសុខភាពឱ្យបានល្អនិងទប់ស្គាត់ការឆ្លងមេរោគ COVID-19 ពោលគឺយើងរួមគ្នាប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល។
ជាមួយគ្នានោះដែរលោកអភិបាលខណ្ឌច្បារអំពៅ ចេង មុនីរ៉ា បានក៏បានធ្វើការអំពាវនាវទៅដល់បងប្អូនប្រជាជនទូទៅដែលរស់នៅក្នុងមូលដ្ឋានខណ្ឌច្បារអំពៅសូម កុំជឿលើការផ្សព្វផ្សាយនូវព័ត៌មានមិនពិតដែលគ្មានមូលដ្ឋានច្បាស់លាស់នោះ។ដូចជាការទទួលទានពងមាន់មានការជាសះស្បើយជម្ងឺកូវីដពាក់យ័ន្ត ជាជម្ងឺកូវីដ នោះគឺជាការបោកប្រាស់ យ៉ាងច្បាស់ក្រឡែតនិងរាល់ការលក់ឧបករណ៍ធ្វើតេស្តរកមេរោគកូវីដ១៩ ជាដើម ។
លោកអភិបាលខណ្ឌច្បារអំពៅចេង មុនីរ៉ាក៏ បានលើកឡើងដោយសង្កត់ធ្ងន់ទៀតថា ដើម្បីចូលរួមបង្ការទប់ស្កាត់នូវវីរុសកូរ៉ូណា១៩ (COVID-19) នេះ សូមបងប្អូនជឿជាក់ដោយទុកចិត្តមកលើការដឹកនាំ និងធ្វើទៅតាមការណែនាំរបស់សម្ដេចអគ្គមហាសេនាបតីតេជោហ៊ុន សែន និងសេចណែនាំរបស់ក្រសួងសុខាភិបាល ពីវិធានការ ក្នុងការការពារនៃការឆ្លងមេរោគ កូវីដ១៩នេះ ។ ក្នុងឱកាសនោះដែរ ក៏បានធ្វើការអំពាវនាវឲ្យបងប្អូនប្រជាជនទាំងអស់គ្នាត្រូវប្រកាន់ខ្ជាប់នូវការហូបស្អាត ផឹកស្អាត រស់នៅស្អាត កន្លែងធ្វើការងារស្អាតពោលគឺត្រូវតែស្អាតជានិច្ចដើម្បីជៀសវាងផុតនូវការឆ្លងនិងការរីករាលដាលនៃ វីរុសកូរ៉ូណា១៩ (COVID-19) នេះ។
ជាមួយគ្នានេះដែរលោក លីវ វណ្ណថេង ចៅសង្កាត់ព្រែកថ្មី ក៏បានបញ្ជាក់ដែរថា អំណោយដែលសម្តេចពោធិវ័ង្ស អំ លឹមហេង ផ្តល់ជូនគ្រួសារដែលមានជីវភាពខ្វះខាតនាពេលនេះ គឺក្នុងមួយគ្រួសារៗ ទទួលបានថវិកា ចំនួន ១០ម៉ឺនរៀល, អង្ករ ២៥គីឡូក្រាម, មី ១កេស និងសម្ភារៈផ្ទះបាយ ១ឈុតធំ ផងដែរ។
លោកលីវ វណ្ណថេង ចៅសង្កាត់ព្រែកថ្មីបានអោយដឹងទៀតថានេះគឺជាអំណោយលើកទី២ហើយដោយសម្ដេចព្រះពោធិវ័ង្ស អំ លឹមហេងផ្ដល់ជូនប្រជាជនទីទ័លក្រតាមរយះអាជ្ញាធរអោយយកមកចែកជូនប្រជាជនទីទ័លក្រ៧០គ្រួសារនៅថ្ងៃនេះ(០៨,០៤,២០២០)ហើយកាលពីដើមខែមេសានេះសម្ដេចព្រះពោធិវ័ង្សអំ លឹមហេង ផ្ដល់អំណោយជូនប្រជាជនទីទ័លក្រចំនួន១០០គ្រួសារផងដែរ៕