គម្រោងធ្វើជាម្ចាស់ផ្ទះប្រកួត តេក្វាន់ដូអាយ ធី អេហ្វជើងឯកអាស៊ីអាគ្នេយ៍នៅស្រពិចស្រពិល
ភ្នំពេញ៖គម្រោងធ្វើជាម្ចាស់ផ្ទះនៃការប្រកួតកីឡាតេក្វាន់ដូស្ទីល I.T F (International Taekwondo Federation)ដែលជាស្ទីលរបស់
ប្រទេសកូរេខាងជើងនោះពេលនេះស្ថិតក្នុងស្ថានភាពស្រពិចស្រពិលនៅឡើយទេ ។
ការរាតត្បាតនៃមេរោគផ្លូវដង្ហើមប្រភេទថ្មី(Covid-19)បានធ្វើឲ្យសកម្មភាពសង្គមនានារបស់ពិភពលោកត្រូវបានលុបចោល ឬ ពន្យារ
ពេល ដែលក្នុងនោះមានទាំងសកម្មភាពកីឡាទៀតផង ។ នៅខែតុលាខាងមុខនេះកម្ពុជាមានគម្រោងធ្វើជាម្ចាស់ផ្ទះនៃការប្រកួតកីឡាតេក្វាន់
ដូជើងឯកអាស៊ីអាគ្នេយ៍នៅកម្ពុជាជាលើកទី២ដែលការប្រកួតលើកទី២នេះគេមានជំនឿចិត្តថានឹងមានប្រទេសចូលរួមលើសពី៧ប្រទេស ។
លោកប៊ួន ហ៊ីងសុធីយ៉ាដែលជាអគ្គលេខាធិការសហព័ន្ធកីឡាតេក្វាន់ដូអាយ ធី អេហ្វកម្ពុជាបានប្រាប់ឲ្យដឹងថាខែតុលាគឺនៅរយៈ
ពេលយូរគ្រាន់បើដែរ ។ ប្រសិនបើពេលនេះពិភពលោកស្រាកស្រាន្ដពីមេរោគកូវីដ ១៩នោះគម្រោងនៃការប្រកួតនេះនឹងមិនត្រូវបានលុប
ចោលនោះទេ ។
ទោះជាយ៉ាងណាក៏លោកអគ្គលេខាធិការបញ្ជាក់ថាបន្ទាប់ពីបុណ្យចូលឆ្នាំខ្មែរចប់នោះសហព័ន្ធនឹងធ្វើលិខិតទៅសុំក្រសួងអប់រំ
តែការធ្វើលិខិតនេះក៏សហព័ន្ធនីពិនិត្យមើលពីស្ថានភាពនៃជម្ងឺផ្លូវដង្ហើមនេះដែរតើវានៅតែធ្ងន់ធ្ងរ ឬក៏ធូរស្រាលហើយនោះ ។ក្នុងករណីអ្វីៗ
នៅតែធ្ងន់ធ្ងរនោះសហព័ន្ធនឹងពន្យារពេលសិនចំពោះការលុបចោលការប្រកួតសហព័ន្ធនឹងមិនលុបចោលនោះទេ ។
សូមបញ្ជាក់ថាកម្ពុជាធ្លាប់ធ្វើជាម្ចាស់ផ្ទះនៃការប្រកួតជើងឯកអាស់ីអាគ្នេយ៍លើកទី១បានម្ដងហើយដែលកាលនោះមានប្រទេស
ចំនួន៧ក្នុងតំបន់អាស៊ីអាគ្នេយ៍ចូលរួម ។ កាលនោះកម្ពុជាដណ្ដើមបានមេដាយមាសចំនួន៣១គ្រឿង មេដាយប្រាក់ចំនួន១០គ្រឿង និង មេ
ដាយសំរិទ្ធចំនួន១១គ្រឿង ៕