ជប៉ុន នឹងចែកចាយថ្នាំព្យាបាលជំងឺ ផ្តាសាយធំ Avigan ដើម្បីយកទៅព្យាបាលអ្នកជំងឺ Covid-19 នៅក្នុងប្រទេសប្រមាណ២០ ប្រទេស
រដ្ឋាភិបាលរបស់ប្រទេសជប៉ុន នឹងចែកចាយថ្នាំព្យាបាលជំងឺ ផ្តាសាយធំ Avigan ដើម្បីយកទៅព្យាបាលអ្នកជំងឺ Covid-19 នៅក្នុងប្រទេសប្រមាណ២០ ប្រទេសដោយឥតគិតថ្លៃនៅពេលខាងមុខ ដែលនេះបើតាមការចុះផ្សាយរបស់ Kyoto News នៅថ្ងៃចន្ទ ទី១៣ ខែមេសា ឆ្នាំ២០២០នេះ។
ស្របពេលជាមួយគ្នានេះដែរ អភិបាលខេត្ត តូយ៉ាម៉ា (Toyama) ភាគកណ្តាលនៃប្រទេសជប៉ុន បានជំរុញក្រុមហ៊ុន ហ្វូជីហ្វៀម (Fujifilm) អោយខិតខំផលិតថ្នាំព្យាបាលជំងឺ ផ្តាសាយធំ អាវីហ្គែន (Avigan) ឲ្យបានច្រើនថែមទៀត សម្រាប់យកទៅព្យាបាលជំងឺវីរុស Covid-19 នៅបរទេស។
អភិបាលខេត្ត តូយ៉ាម៉ា ដដែលបានបន្តថា ប្រទេសយ៉ាងហោចណាស់ចំនួន ២០ប្រទេស នៅជុំវិញពិភពលោក កំពុងត្រូវការថ្នាំព្យាបាលជំងឺផ្តាសាយធំ Avigan ដើម្បីយកទៅព្យា បាលអ្នកជំងឺ Covid-19 នៅក្នុងប្រទេសរបស់ខ្លួន ក្រោយពីថ្នាំ Avigan ត្រូវបានទទួលស្គាល់ថា អាចព្យាបាលជំងឺវីរុស Covid-19 មានប្រសិទ្ធភាពខ្ពស់៕
