ថ្ងៃនេះ ពុំរកឃើញអ្នកជំងឺ COVID-19 ករណីថ្មីទេ និងមាន២ករណី ជាសះស្បើយ
ភ្នំពេញ៖ នាយកដ្ឋានប្រយុទ្ធនឹងជំងឺឆ្លង CDC នៃក្រសួងសុខាភិបាល បានឲ្យដឹងថា រហូតម៉ោង ៩និង៣០នាទីព្រឹក ថ្ងៃទី ២០ មេសា ២០២០ យើងពុំរកឃើញអ្នកជំងឺ COVID-19 ករណីថ្មីទេ ជាសរុបប្រទេសយើងមានចំនួន ១២២ករណី ដដែល និង មាន២ករណីជាសះស្បើយ សរុប ១០៧នាក់ និងគ្មានអ្នកស្លាប់ ។
ប្រភពដដែល បានបន្តថា ពិតមែនតែពុំរកឃើញករណីថ្មីក៏ដោយ សូមបងប្អូនបន្តប្រយ័ត្នជាប់ជានិច្ច ដោយធ្វើអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ៕
