គណៈសង្ឃនាយក ឲ្យភិក្ខុ ឡុង ចន្ថា ចូលមកដោះស្រាយ រឿងលួចញ៉ែស្រី តាមឆាតហ្វេសប៊ុក
ភ្នំពេញ គណៈសង្ឃនាយក ព្រះមេគណខេត្តតាកែវ ដោយនិមន្តភិក្ខុ ឡុង ចន្ថា ចូលមកដោះស្រាយនៅសាលាគណខេត្តតាកែវ ដែលភិក្ខុរូបនេះ បានធ្វើទំនាក់ទំនងជាមួយស្ត្រីភេទ តាមប្រព័ន្ធបណ្តាញសង្គមដែលប្រាសចាកធម៌វិន័យរបស់ខ្លួន ធ្វើឲ្យធ្លាក់ចុះតម្លៃព្រះសង្ឃ ហើយក្នុងករណីភិក្ខុរូបនេះ មិនព្រមចូលមកក្នុងសង្ឃសវនាការសាលាគណខេត្ត ត្រូវសហការជាមួយអាជ្ញាធរ ដែលមានសមត្ថកិច្ច អនុវត្តវិធានការរដ្ឋបាល។
សម្តេចព្រះសង្ឃនាយក នន្ទ ង៉ែត នៅថ្ងៃទី៤ខែឧសភាឆ្នាំ២០២០ បានចេញលិខិតមួយច្បាប់ប្រគេនជូនព្រះវិន័យសំវរ កែវ សាវ៉ន ព្រះរាជាគណៈថ្នាក់ចត្វា ព្រះមង្គលទិព្វលោករង្សី ព្រះមេគណខេត្តតាកែវ ដោយនិមន្តភិក្ខុ ឡុង ចន្ថា គង់នៅវត្តភ្នំបូរី ឃុំព្រែកថ្កោល ស្រុកអង្គរបូរី ខេត្តតាកែវ ឲ្យចូលមកដោះស្រាយនៅសាលាគណខេត្តតាកែវ (វត្តតុំ ក្រុងដូនកែវ ខេត្តតាកែវ)។
បើតាមសម្តេចនន្ទ ង៉ែត មានសង្ឃដីកាថា ប៉ុន្មានថ្ងៃមកនេះ ព្រះពុទ្ធសាសនា ទទួលរងផលប៉ះពាល់យ៉ាងខ្លាំង ដោយភិក្ខុ ឡុង ចន្ថា បានធ្វើទំនាក់ទំនងជាមួយស្ត្រីភេទ តាមប្រព័ន្ធបណ្តាញសង្គមដែលប្រាសចាកធម៌វិន័យរបស់ខ្លួន ធ្វើឲ្យធ្លាក់ចុះតម្លៃព្រះសង្ឃ យ៉ាងធ្ងន់ធ្ងរ។
អាស្រ័យហេតុនេះ សូមព្រះមេគន កោះនិមន្ត ភិក្ខូរូបនេះ មកធ្វើការដោះស្រាយបញ្ហានេះ នៅសាលាគណខេត្តជាបន្ទាន់ ក្នុងករណីភិក្ខុរូបនេះ មិនព្រមចូលមកក្នុងសង្ឃសវនាការសាលាគណខេត្ត ត្រូវសហការជាមួយអាជ្ញាធរដែលមានសមត្ថកិច្ចអនុវត្តវិធានការរដ្ឋបាល បន្ទាប់មកធ្វើរបាយការណ៍មកគណៈសង្ឃនាយក។
សូមបញ្ជាក់ថា នាពេលថ្មីៗនេះភិក្ខុ ឡុង ចន្ថា តាមបណ្តាញសង្គមហ្វេសប៊ុកមានការបែកធ្លាយវីដេអូសំឡេងឆាត និងទូរស័ព្ទ ជាមួយនារីស្រស់ស្អាតម្នាក់ ។ វីដេអូមួយនោះ បានបង្ហាញពីសកម្មភាពភិក្ខុ ឡុង ចន្ថា បានតេទៅនារីម្នាក់ ដែលមានសង្សារហើយរួចទៅហើយ តាមតាមរយៈMessenger ដោយបានផ្លែផ្កាផ្តោះផ្តងពាក្យសម្តី និងបបួលណាត់ជួបនារីនោះនៅវត្តស្អាងភ្នំទៀតផង។ ដោយឡែក ព្រះសង្ឃ ឡុង ចន្ថា ក៏បានតបតទៅវិញថា ៖ “លោកទុកមុខទុកមាត់ឲ្យទើបមិនចង់បង្ហោះជាសាធារណៈ អ្វីដែលជាការពិត លោកហ៊ានទទូលខុសត្រូវចង់ដឹងច្បាស់ ហៅនាងមកនិយាយទល់មុខបាន ថាលោកនិយាយលេងឬនិយាយក្នុងន័យអ្វី ? ចំពោះឆាត់គេបង្ហោះនោះ គឺមានការរៀបចំទុកធ្វើស៊ីលោកជាមុន លោកតាមដានដល់ផ្ទះឲ្យមេភូមិមេប៉ុស្តិ៍ និយាយសម្រួលដើម្បីកុំឲនាងអាប់ឱនតែនាងយំរហូតខ្លាចខូចឈ្មោះ ចុះឈ្មោះលោកនាងទុកត្រង់បើខូចអស់ហើយនោះ អ្នកដែលរៀបចំធ្វើស៊ីនោះជាអ្វីនឹងនាងលោកក៏ដឹង ហើយបានបញ្ជូនឲ្យក្រុម LDP វាយប្រហារលោកពេញហ្វេប៊ុក តែសូមមហាជនជ្រាប់ថាចង់ដឹងការពិត យកសំឡេងឆាតនឹងហើយហៅនាងឲ្យមកនិយាយផ្ទាល់ជាមួយលោកបាន កុំចេះតែមើលងាយលោកដោយមិនបានពិចារណាថា លោកនិយាយក្នុងន័យអ្វី ទុកមាត់ទុកមាត់ឲ ព្រោះអាណិត បើមិនចេញមុខ និយាយទេ នេះជាដំណាក់កាលទី១ { បញ្ជាក់ចង់ធ្វើស៊ីលោកយករូបឲច្បាស់លាស់មកផងទើបស៊ីវាផុយ ឬមានវីដេអូរថានៅជាមួយគ្នានឹងធ្វើស៊ីទៀតរឹតតែផុយ } ៕
