កញ្ញាឯក អែម គុណថង រកការរិះគន់ពីទស្សនិកជន ច្រើនរឿងរូបថតស៊ីចសី
ភ្នំពេញ៖ កញ្ញា អែម គុណថង ដែលគេបានស្គាល់ជា Miss Earth Cambodia 2017 បានបញ្ចេញរូបថតស៊ិចស៊ី បង្អួតរូបរាងនៅតំបន់វាលស្រែ។ រូបថត នេះរងការរិះគន់ច្រើន ពីទស្សនិកជន និងមិនបានឆ្លុះបញ្ចាំងពីទិដ្ឋភាពស្រុកស្រែណានោះទេ ។
ទស្សនិកជនជាច្រើនថា កញ្ញា អែម គុណថង ជាតារាម៉ូឌែលម្នាក់ដែលទីផ្សារសិល្បៈខ្ពស់ តាមរយៈការ ថតសម្អាងការ ថតម៉ូត និង ដើរបង្ហាញម៉ូត ជាដើម។ ការបញ្ចេញរូបថតសុិចស៊ី ប៉ុន្មានសន្លឹក ពីសំណាក់អ្នកគ្រប់គ្រងរបស់នាងត្រូវបានរងការរិះគន់ច្រើនពីមហាជន ។អ្នកលេងបណ្តាញ សង្គមម្នាក់ឈ្មោះសោភី បានបង្ហាញទស្សនៈរបស់ខ្លួនថា “ឯណាទៅតម្លៃជាស្ដ្រីខ្មែរ ខ្លួនជា កូនខ្មែរ ជាតិសាសន៍ខ្មែរ រស់នៅលើទឹកដីខ្មែរ តែកុំមើលមិនដឹងដូចស្អីទេ។ បើថាមិនបាន ជួយអ្វី ដល់សង្គមទេ សូមត្រឹមតែជួយការពារតម្លៃជាតិសាសន៍ខ្លួនឯងទៅបានហើយ ។ តែនេះនាំគ្នាធ្វើតែរឿងឡប់ៗបំពុលតែសង្គម មួយថ្ងៃៗរឿងប្លែករហូតអស់ពីរឿងមួយចូល រឿងមួយ”។ អ្នករិះគន់រូបនេះបានចាត់ទុកថា សុទ្ធសឹងតែរឿងឡប់សតិ។ លោកថា ជាតិសាសន៍គេធំឡើងមួយៗមានតែជួយចូលរួមកសាងជាតិគេអោយរីកចម្រើន ឈានទៅរកភាព ជោគជ័យ ។ តែខ្មែរវិញធំឡើងមិនទាន់ទេនាំគ្នាបំផ្លាញសង្គម ពូកែតែខាងនាំគ្នាធ្វើរឿង ឈានទៅរកការបាត់បង់ អារឿងថោកមិចក៏ធ្វើបានដែលអោយតែបានលុយ មិនខ្វល់ថារឿង នោះធ្វើទៅសមឬអត់ទេហើយប៉ះពាល់អ្វីខ្លះក៏មិនខ្វល់ ដឹងត្រឹមថាអញបានលុយអញបានល្បី ល្បាញ អញមានគេ ស្គាល់ច្រើន អញបានធ្វើជាតារា ស្អីក៏ធ្វើដែល ។ លោកក៏បានចាត់ ទុកសកម្មភាពខាងលើថាជាដំណើរឈានទៅរកភាពរលាយរលត់ ។ នៅមានការរិះគន់ជា ច្រើន ជុំវិញការបញ្ចេញរូបភាពទាំងនេះ។ នៅមិនទាន់អាចស្វែងរកការបញ្ចាក់ពីកញ្ញា ឯម គុណថងបាន នៅឡើយទេ៕ ស,រ,ត
